Kaʼvi Biblia ndiʼi ki̱vi̱
Kivi kusi̱í-iniún tá káʼviún Biblia. Nu̱ú ña̱yóʼo va̱xi sava ña̱ chindeétáʼan xíʼún ña̱ kixáʼún kaʼviúnña. Ndaka̱xin iin ña̱ kútóokaún ta kaʼvi texto ña̱ va̱xi xíʼinña.
Na̱ yiví xíʼin historia ña̱ xíni̱nína
-
Ta̱ Noé xíʼin sa̱vi̱ kini: Génesis 6:9–9:19
-
Ta̱ Moisés ta saátu mar Rojo: Éxodo 13:17-14:31
-
Ñá Rut xíʼin ñá Noemí: Rut, capítulo 1-4
-
Ta̱ David xíʼin ta̱ Goliat: 1 Samuel, capítulo 17
-
Ñá Abigaíl: 1 Samuel 25:2-35
-
Ta̱ Daniel ndíka̱a̱ra nu̱ú ñúʼu tí león: Daniel, capítulo 6
-
Ñá Elisabet xíʼin ñá María: Lucas, capítulo 1, 2
Consejo ña̱ va̱ʼaní
-
Na̱ veʼeyó: Efesios 5:28, 29, 33; 6:1-4
-
Na̱ migoyó: Proverbios 13:20; 17:17; 27:17
-
Ña̱ oración: Salmo 55:22; 62:8; 1 Juan 5:14
-
Ña̱ ni̱ka̱ʼa̱nndosó ta̱ Jesús chí yuku̱: Mateo, capítulo 5-7
-
Chiñu: Proverbios 14:23; Eclesiastés 3:12, 13; 4:6
Tá xíniñúʼún ña̱ chindeétáʼan xíʼún
-
Tá ndákava-iniún: Salmo 23; Isaías 41:10
-
Tá kúsuchí-iniún: 2 Corintios 1:3, 4; 1 Pedro 5:7
-
Tá ni̱ki̱ʼviún ku̱a̱chi: Salmo 86:5; Ezequiel 18:21, 22
Ña̱ kúú vitin xíʼin ña̱ kuu chí nu̱únínu
-
Ki̱vi̱ nu̱ú ndíʼi: Mateo 24:3-14; 2 Timoteo 3:1-5
-
Ña̱ ndakiʼinyó chí nu̱únínu: Salmo 37:10, 11, 29; Apocalipsis 21:3, 4
ÑA̱ KIVI KEʼÚN: Ña̱ va̱ʼa kunda̱a̱-iniún xíʼin texto ña̱ va̱xi nu̱ú lista yóʼo, kaʼvi capítulo á sava capítulo nu̱ú ka̱na ña̱ versículo yóʼo. Kuniñúʼu tabla ña̱ naní “Ña̱ xa̱a̱ ku̱a̱ʼi̱n káʼvii̱ nu̱ú Biblia”, ña̱ va̱xi nu̱ú ndíʼi ña̱ libro yóʼo, ña̱ va̱ʼa kaʼyíún capítulo ña̱ xa̱a̱ ka̱ʼviún.
Sanatu kutóún ña̱yóʼo
ÑA̱ KÚNI̱ NA̱ YIVÍ KUNDA̱A̱-ININA XA̱ʼA̱ NA̱ TESTIGO JEHOVÁ
¿Ndáa ki̱ʼva sánáʼa̱ na̱ testigo Jehová na̱ yiví?
Xíʼin ki̱ʼva ña̱ káʼvi na̱ testigo Jehová xíʼin na̱ yiví kivi kuniñúʼún nda̱a̱ ndáaka Biblia kúni̱ miíún ta va̱ása kiʼinna xu̱ʼún ndaʼún ña̱ sanáʼa̱na yóʼó. Tá ná kaʼvi na̱ testigo Jehová xíʼún kivi koo na̱ veʼún á na̱ migoún á nda̱a̱ ndáaka na̱ kúni̱ miíún ña̱ kuniso̱ʼona ña̱ sakúaʼún.
