¿Chumngechi doi quimafuimi chem pilen Biblia?
Hune, ngüneduamfinge tüfachi epu pagina. Fei hula, pefinge ti VIDEO.
HUNEN TROQUIÑ
Tami pepicayafiel chem tami chillcatual, papeltufinge ti hunen pagina caque quimeltun meu. Tati ramtun colotulelu (A) ca feichi troquiñ Biblia doi curülelu (B) pengeli tati doi falinque dungu. Peaimi quiñeque troquiñ Biblia feipilelu “papeltuaimi”.
CANGELU TROQUIÑ
(C): Ti troquiñ Doi quimaimi pingelu, pengelaimu caque quiñeque dungu tami inaduamal. (D): Feiti pichique huirintucun pengeli ti doi falinque dungu tami inaduamal. Tami quimeltuchefe engu, papeltufinge fillque troquiñ Biblia meu, huiñoldungunge ti müleyechi ramtun ca pefinge ti fillque video.
Tati recuadro feipilu VIDEO pengelaimu fillque video cam nütram, tüfa quelluaimu tami doi cüme adümafiel tami chillcatumequeel. Quiñeque video pengelquei chem ñi rupan pu che ñi mongen. Caquelu video re adentulei müten ñi rupayafel pu che.
(E): Cüme ngüneduamfinge tati fillque foto ñi mülen ca tati pichi huirintucun inafülcülelu ti foto meu. (F): Ti troquiñ Quiñeque che feipiafeimu, pengelaimi quiñeque dungu chem piafeteu tati pu che. Fei cüme raquiduamnge chem tami huiñoldungual.
INAN TROQUIÑ
(G): Tami fentepual ti estudio, ngüneduamnge ti troquiñ Tami quimel ca ¿Chem piafuimi? pingelu. Ca huirintucuaimi chem antü mu tami estudiafiel ti quimeltun. (H): Ti troquiñ Tami femafel pingelu, pengeli chem dungu tami femal rupan estudialmi hula. (I): Doi cüpa quimülmi, quintuafuimi chem ñi tripaquen ti troquiñ Ca peafuimi pingelu.
Cheu ñi mülen troquiñque dungu
|
|
|
|
¿Chumngechi quintuafuimi quiñe troquiñ Biblia mu?
Tati Biblia trapümcülei 66 pichique lifru. Tati Biblia epu troquiñcülei. Tati hunen troquiñ huirintucungei hebreo ca arameo quehun mu, tüfa “Antiguo Testamento” ca pingequei. Ti cangelu troquiñ huirintucungei griego quehun mu, tüfa “Nuevo Testamento” ca pingequei.
Huiriconcülele quiñe troquiñ Biblia, hune peaimi ti lifru (A). Fei peaimi ti capitulo (B), ca fei hula ti versiculo (C).
Feimu pelmi Juan 17:3, tüfa tati lifru Juan, capitulo 17, versiculo 3.
Eimi ca ayüafuimi
DOI RUPA ÑI RAMTUNGEQUEEL
¿Chem am tati chillcatun Biblia?
Tami chillcatual pu testigo engün püneafuimi chem Biblia rume. Cafei mangelafuimi tami pu familia ca hueni tamün quiñentrür chillcatual Biblia.
