Ifyo mwingacita pa kuti munonkelemo sana muli aya amasambililo ya mu Baibolo
Intanshi moneni ifyaba muli cino citabo, lyena tambeni VIDIO.
ULUBALI LWA KUBALILAPO
Pa kupekanishisha isambililo limo na limo, mulebelenga amaparagrafu ya kubalilapo. Amepusho yali mu filembo fyatikama (A) e lyo na malembo (B) yalekomaila pa fishinka fikalamba. Amalembo yamo nabalembapo ati “belengeni.”
ULUBALI LWA BUBILI
Amashiwi ya kutendekelapo (C) pa ciputulwa cileti Sambilileni na Fimbi yalelondolola na fimbi ifyo mwalasambilila. Utumitwe utunono (D) tulelanda pa fishinka fikalamba. Ilyo mulesambilila na bamusambilisha, mukalabelenga amalembo, mukala-asuka amepusho, kabili mukalatamba na mavidio.
Mufwile ukutinika apaleti VIDIO, pa kuti mutambe vidio umuli na fimbi ifyo mwingasambilila. Ifiba mu mavidio yamo fintu fyacitike. E lyo ifili mu mavidio yambi filelangilila ifingacitika nelyo ifingacitikila abantu.
Mulelolekesha sana pa fikope no kubelenga amashiwi yalipo (E), kabili muletontonkanya pa fyo mwingalanshanya no muntu nga alanda amashiwi yaba apatila Abantu Bamo Batila (F).
ULUBALI LWA KULEKELESHA
Ifyo Musambilile na Ukupitulukamo (G) e fya kulekeleshako mwi sambililo. Mulelemba ubushiku mwapwisha ukusambilila isambililo. Apaleti Ifyo Mwingacita (H) pali ifyo mwingabomfya ifyo mulesambilila. Apaleti Ishibilenipo na Fimbi (I) pali ifyebo na fimbi ifyo mwingabelenga nelyo amavidio ayo mwingatamba.
Ifya kucita pa kusanga ifikomo fya mu Baibolo
Mu Baibolo mwaba amabuuku 66, kabili bayakanya mu fipande fibili. Icipande ca kubalilapo bacilembele mu ciHebere na mu ciAramaiki (“Icipingo ca Kale”), e lyo icipande calenga bubili bacilembele mu ciGriki (“Icipingo Cipya”).
Pa kulemba amalembo muli cino citabo babalilapo ukulemba ishina lye buuku lya mu Baibolo (A), icipandwa (B), e lyo icikomo nelyo ifikomo (C).
Ku ca kumwenako, nga balemba ukuti Yohane 17:3 ninshi baleti ibuuku lya kwa Yohane, icipandwa 17, icikomo 3.
Nalimo Kuti Mwatemwako ne fi
AMEPUSHO ABANTU BEPUSHA SANA
Bushe Isambililo lya Baibolo E Cinshi?
Amasuko ku mepusho pe sambililo lya Baibolo ilyabula ukulipilisha.
