Lɛ hoŋ na toɔ̃ e a nyɛ tɔnɔ yaga yi a Baabole zannoo ŋa poɔŋ
Yɛ piili a di dama kyaare a yɛlɛ ŋa, a kyɛ pãã ŋmɛ a VIDIO.
A PIILEE
Ka hooŋ boɔrɔ ka ho nare ho meŋɛ ko a zannoo kaŋa zaa, aseŋ ka ho kanne a piilee zie na, ane a soorebie naŋ e bɛrɛ bɛrɛ na (A) ane a Baabole sɛgre (B) naŋ wulo a zannoo yelnimizeere na. Baŋ ka a Baabole sɛgre mine bebeŋ baŋ sɛge eŋ ka “kanne.”
A SEŊSOORE
A piilee yɛlɛ naŋ be (D) a Zanne Yɛlɛ Yaga Poɔ zie na wulee yɛlɛ yɛ naŋ waana ka yɛ zanne. A yelzu bilii (E) wulee a dama diibu yelnimizeere. Ho neŋ ho wulwulo na baŋ kannɛɛ a Baabole sɛgre, a iri a soorebie nɔɛ, a kyɛ kaa a vidiori meŋ.
VIDIO ziiri na maŋ wuli boŋ vidiori ane odiori naŋ na toɔ̃ soŋ bo ka ho woŋ a zannoo muni soŋ. A vidiori mine wulee yɛlɛ naŋ e meŋɛmeŋɛ. A vidiori mine meŋ eɛ vidio poɔ ewuli naŋ kyaare yɛlɛ naŋ ba e meŋɛmeŋɛ, a mine meŋ ba kyaare noba naŋ bebe meŋɛmeŋɛ yɛlɛ, kyɛ a maŋ wulee yɛlɛ naŋ na baŋ e te zemmo poɔŋ.
Yɛ na baŋ di la dama kyaare a fotori ane yɛlɛ na baŋ maŋ sɛgɛ eŋ a fotori muniŋ na yɛlɛ (Ɛ), a kyɛ lɛ teɛre nyɛ lɛ hoŋ na baŋ iri a soorebie naŋ be Noba Mine Maŋ Yeleŋ Ka (F) zie na noɔre.
A BAARAA
A Zannoo Yelnimizeere ane Bo Hoŋ Zanne (G) zie na meŋ maŋ de la a zannoo yɛlɛ zaa waneŋ a baaraa. Sɛge bebiri na hoŋ baare a zannoo na eŋ a gane poɔŋ. Yɛlɛ N Naŋ Na E (H) zie na maŋ wuli boŋ lɛ hoŋ na toɔ̃ de yɛlɛ na hoŋ zanne na tonɔ neŋ toma. Yɛlɛ Mine Naŋ Lɛ Bebe (I) zie na taaɛ yɛlɛ yaga a kyaare a zannoo yɛlɛ, ka hooŋ boɔrɔ, ho na baŋ kannaaŋ, bee ka ho kaa a vidiori naŋ bebe na.
A Gane Poɔ Yɛlɛ
|
|
|
|
Lɛ hoŋ na e bɔ a Baabole kannoo ziiri
Gambilii 66 la lantaa e a Baabole. Ba po la a Baabole eŋ ziiri ayi: a Hebrew-Aramaic Sɛgre na baŋ boɔlɔ (“Old Testament”) ane a Kristabiiri Giriki Sɛgre na baŋ boɔlɔ (“New Testament”) na.
Ka ba naŋ wa wuli Baabole kannoo zie kaŋa a zannoo ŋa poɔŋ, ba maŋ wulee a Baabole gane yuori (A), a kyɛ pãã wuli o zuri (B), ane o wɛlbo (D).
Aŋa mannoo poɔŋ, Gyɔɔn 17:3 wuleeŋ ka ho yuo gaa Gyɔɔn gane, o zuri 17, o wɛlbo 3.
