Se idinamde se afo ekpepde ke n̄wed emi enen̄ede an̄wan̄a fi
Bem iso se se ẹtịn̄de ẹban̄a nsio nsio n̄kpọ ke n̄wed emi—se mmọ ke page emi ye enye oro etienede. Ama ese ama, se VIDIO emi.
NTỌN̄Ọ UKPEPN̄KPỌ
Nte ekpesitịmde idem ọnọ nneme Ikọ Abasi ke n̄wed emi: Sikot ntọn̄ọ ukpepn̄kpọ kiet kiet. Mbụme oro ẹwetde ke ndodobi ubọkn̄wed (A) ye mme itie N̄wed Abasi (B) ọdọn̄ọde do ayan̄wam fi ekpep akpan n̄kpọ. Sikot n̄ko itie Bible oro ẹwetde “kot.”
UFỌT UKPEPN̄KPỌ
Se ẹtịn̄de ke (C) ke ntọn̄ọ Sịn Idem Kpep aban̄a se ẹnemede do. Ekpri ibuotikọ utọ nte (D) owụt akpan n̄kpọ emi afo edikpepde. Tie ye owo oro esinemede n̄kpọ ke n̄wed emi ye afo kot mme itie N̄wed Abasi oro ẹdọn̄de do, bọrọ mbụme emi ẹbụpde, nyụn̄ se vidio.
VIDIO oro ọdọn̄ọde ke n̄wed emi ayanam se ẹnemede enen̄ede an̄wan̄a fi. Ndusụk edi vidio mbon emi n̄kpọ oro ẹketịbede ọnọ, ndusụk ẹnanam—edi kpa ye oro, mmọ ẹwụt se isitịbede.
Se ndise ye se ẹwetde ẹban̄a mmọ (E), nyụn̄ kere nte ọkpọbọrọde mbụme emi odude ke Ndusụk Owo Ẹsidọhọ Ẹte (F).
UTỊT UKPEPN̄KPỌ
Se Ikpepde ye Se M̀mê Emeti (G) ayanam fi eti se ekpepde. Siwet usenọfiọn̄ ke itie emi okụtde, ikụre ukpepn̄kpọ emi ke. Se Afo Edinamde (H) ayan̄wam fi ebiere n̄kpọ en̄wen emi edinamde. Kpep N̄kpọ En̄wen (I) ọdọn̄ọ se ikemede ndin̄wam fi n̄ko.
Se Isịnede
|
|
|
|
Se idin̄wamde fi ọsọp okụt itie Bible
N̄wed 66 odu ke Bible. Ẹbahade mmọ ẹsịn ke ikpehe iba: Akpa ikpehe ọdọn̄ọ n̄wed Bible emi ẹkewetde ke usem Hebrew ye Aramaic (“Akani Testament”), ọyọhọ iba ọdọn̄ọ mbon emi ẹkewetde ke usem Greek (“Obufa Testament”).
Ẹsibem iso ẹsiak enyịn̄ n̄wed Bible (A), ye ibuot n̄wed (B), ekem ẹsiak ufan̄ikọ ẹdikotde (C).
Ke uwụtn̄kpọ, John 17:3 ọwọrọ, n̄wed John, ibuot 17, ufan̄ikọ 3.
Ekeme Ndidi Ayama Mmọ Emi N̄ko
MBỤME EMI ẸSIWAKDE NDIBỤP
Didie ke Mme Ntiense Jehovah Ẹsikpep Mme Owo Bible?
Emekeme ndikama Bible ekededi ke ini ekpepde n̄kpọ ye Mme Ntiense Jehovah. Akpama, emekeme ndikot ofụri mbon ubon fo, m̀mê ufan fo ekededi editiene ekpep.
