Ka pou ou fè pou bénéfisyé anplen dè étid biblik lasa
Koumansé pa gadé kijan sé lèson-la òwganizé grasa ti prézantasyon-lasa é aprésa gadé VIDÉO-la.
PRÈMYÉ PATI
Pou chak lèson, koumansé pa li prèmyé pati-la. Sé kèsyon-la ki pi fonsé la (A) é sé vèwsé-la ki pi fonsé la (B) k’ay èvè sé lidé enpòwtan la. Ou ké vwè ni sèwten vèwsé yo ka mandé-w « li ».
DÉZYÈM PATI
Sé prèmyé fraz-la (C) ki adan An-nou fouyé pi fon ka èspliké-w dè ki biten nou k’ay palé. Sé soutit-la (D) ka ba-w plan a ti kozé-la. Èvè moun-la ki ka étidyé Labib èvè-w la, li sé vèwsé-la, réponn a sé kèsyon-la, é gadé sé vidéo-la.
Sé VIDÉO-la yo ka voyé-w gadé la ka ba-w plis enfòwmasyon anrapò èvè lèson-la. Ni dé vidéo ki ka palé-w dè biten ki fèt poudèbon. É ni dòt ki ka palé-w dè biten ki pé rivé a fèt.
Gadé sé imaj-la é sé ti réflèksyon-la ki k’ay èvè yo la (E), é lè ou rivé a Mi sa moun ka di, éséyé vwè kijan ou té’é réponn (F).
TWAZYÈM PATI
Lèson-la ka bout èvè On ti rézimé é Ka ou woutyenn (G). Maké jou-la lèson-la fin la. On biten ou pé éséyé fè (H) ka di-w ka ou té’é pé fè pou pwogrésé. Adan Ay gadé sa osi (I) ou ka touvé dòt enfòwmasyon kè ou ké pé li oben gadé.
Kijan pou touvé sé vèwsé-la an Bib-la
Adan Bib-la ni 66 liv. Yo séparé an 2 mòso : Lézékriti Ébré é Araméyen (« Lansyen Tèstaman ») é Lézékriti Grèk (« Nouvo Tèstaman »).
Pou touvé on pasaj adan Bib-la, yo ka ba-w non a liv-la (A), chapit-la (B), é vèwsé-la ou sé vèwsé-la (C).
Pa ègzanp, Jan 17:3 ka voyé-w adan liv a Jan, chapit 17, vèwsé 3.
Ay gadé sa osi...
KÈSYON ONLO MOUN KA POZÉ-YO
Sé lèson biblik la Témwen a Jéova ka pwopozé : kijan sa ka pasé ?
Sé lèson-la gratui é ou ka pé fè bèl ti kozé èvè Témwen a Jéova ; ou pé sèvi èvè pwòp Bib a-w é ou pé envité fanmi a-w oben zanmi a-w suiv étid-la èvè-w.
