Mbaʼépa rejapo vaʼerã ideprovécho hag̃ua ndéve ko kúrso bíblico
Emañamína primerorã mbaʼéichapa upéva ojeexplika mbykymi ko pártepe, ha upéi ehecha pe VIDÉO.
OÑEPYRŨVO
Ejepreparávo restudia hag̃ua káda leksión, elee primeroite umi párrafo oĩva oñepyrũvo pe leksión. Umi pregúnta oĩva káda párrafo mboyve (A) ha umi téxto bíblico (B) oĩva létra hũvévape ohechauka pe idéa iñimportantevéva. Unos kuánto téxtore heʼi voi “elee”.
OĨVA MBYTÉPE
Heʼihápe Ejepyʼamongetamína oexplikaʼimi mbaʼépa oñeanalisáta (C). Umi subtítulo ohechauka mbaʼépa umi idéa iñimportantevéva (D). Peteĩ testígo de Jehovándi elee umi téxto, erresponde umi porandu ha ehecha umi vidéo.
Umi VIDÉO ha ÁUDIO ohechauka heta mbaʼe nepytyvõtava rentende porãve hag̃ua pe informasión. Heta vidéo ohechauka umi mbaʼe añetehápe oiko vaʼekue, ha ótro katu esenifikasiónte. Umi esenifikasiónpe ndojehechaukái umi mbaʼe añetehápe oiko vaʼekue, síno ojehechauka umi mbaʼe ikatúva oiko ha ñanemboʼe heta mbaʼe iñimportantetereíva.
Eanalisa porã umi taʼanga ha umi komentário orekóva (E), ha epensa mbaʼéichapa ikatu ekontesta umi porandu oĩva pe párte heʼihápe Oĩramo heʼíva (F).
OPAKUÉVO
Káda leksión opakuetévo oreko peteĩ Rresúmen ha Rrepáso (G), ha avei peteĩ párte rekompleta hag̃ua arakaʼépa restudiapa raʼe pe leksión. Pe párte heʼihápe Méta (H) retopáta peteĩ mbaʼe ikatúva rejapo. Ha heʼihápe Einvestiga hag̃ua (I) oĩ hetave informasión ikatúva ndete relee térã rehecha.
Mbaʼéichapa ikatu retopa umi téxto nde Bíbliape
La Biblia ningo oreko pype 66 lívro, ha ojedividi en 2 párte: Escrituras Hebreoarameas térã Viejo Testamento, ha Escrituras Griegas térã Nuevo Testamento.
Ko lívrope ojepuru jave umi téxto bíblico oñemoĩ primero pe lívro réra (A), upéi pe kapítulo (B), ha upe rire umi versíkulo (C).
Por ehémplo, Juan 17:3 heʼise reheka vaʼerãha pe lívro de Juan, kapítulo 17, versíkulo 3.
Koʼã téma ikatu ndegusta avei
OÑEPORANDU MEMÉVA
¿Mbaʼéichapa umi testígo de Jehová ojapo peteĩ kúrso bíblico?
Ko kúrso bíblico oofresévape ndéve umi testígo de Jehová eipurukuaa pe traduksión bíblica ndegustavéva. Ndojekovrái mbaʼevete. Ikatu einvita ne família térã ne amigokuérape oĩ hag̃ua.
