Okuntu wakayunguka bwenene n’elila funzo lye Biblia
Ech’oburhanzi, olole ebimenyeso biyerekene gurhe esomo zipangirwe, naho ziha EVIDEO.
ECHIGABI CH’OBURHANZI
Omu kuchirheganya ku buli somo, osome echigabi chirhanzi. Ebibazo by’emyandiko mizibu-zibu (A) n’amandiko (B), biyerekene amawazo makulu. Omenye oku mandiko maguma marhondere n’echinwa “osome.”
ECHIGABI CHA KABIRI
Ebinwa birhondere (C) eshishi wa Humba Bwenene, bifasiriye ebyakulikiraho. Engingo (D) ziyerekene oku bugeke ebyaganirirwa. Mwembi mwalimu wawe, musome amandiko, mushubize oku bibazo, munalole evideo.
EVIDEO barhubwirire rhulole, ziyongerere amawazo maganirirweko omu somo. Video ziguma ziyerekene ebintu byalibere bwinja-bwinja. Ezindi zasharhwaga omu kuyerekana oku bugeke ebihe changwa abantu, birhali mpu byanalibere bwinja-bwinja, aliko eyi byakahika.
Olole efoto n’amafasiriyo mazo (E), onabe wawaza echi wakashubiza omu chigabi Hali Abantu Banaderha (F).
ECHIGABI CH’OBUZINDA
Esomo lyayinja lyahwa n’echigabi, Oku Bugeke na Rhuchiyibusye (G). Oyandike olusiku mwamalaga mw’esomo. Echigabi, Omuhigo (H) chikuyerekere echintu wachihangana kujira. Omu chigabi Eyindi Myazi (I) muli ebindi wakasoma awo wakalola nk’olonzeze.
Okuntu wakalonza olwandiko lwe Biblia
Ebiblia eba mu bitabu 66 bigeke-geke. Eba egabirwe kabiri: Amandiko me Chiebraniya ne Chiaramu (“Ndagaano ya Mira”) n’Amandiko me Chigiriki me Chikristu (“Ndagaano Mpyahya”).
Nka hali olwandiko luderheerwe mw’eyila funzo, lwayerekanwa kugerera ezino lye chitabu che Biblia (A), esura yanakulikira (B), na buzinda eyi mustari changwa mistari (C).
Omufano, Yohana 17:3 eyerekene echitabucha Yohana, sura ye 17, omustari gwa 3.
