Kon paano ka pa gid makabenepisyo sa sini nga pagtuon sa Biblia
Binagbinaga anay kon paano tun-an ini nga libro, dayon tan-awa ang VIDEO.
UNA NGA BAHIN
Para mahandaan ang kada leksion, basaha ang una nga bahin. Ang madukot ukon naka-bold nga mga pamangkot (A) kag mga bersikulo (B) nagapadaku sang importante nga mga punto. Dapat basahon ang mga bersikulo nga may nakabutang nga “basaha.”
IKADUHA NGA BAHIN
Ang Usisaa Pa Gid (C) nagahatag sing ideya kon ano pa ang imo matun-an. Ang mga subtitulo (D) amo ang panguna nga mga punto. Upod sa nagatudlo sa imo sa Biblia, basaha ang mga bersikulo, sabta ang mga pamangkot, kag tan-awa ang mga video.
Ang mga VIDEO nagahatag sang dugang nga impormasyon parte sa inyo ginatun-an. Ang pila ka video nagasugid sang matuod nga eksperiensia. Ang iban naman nga video gindrama para ipakita ang matuod nga nagakatabo.
Tan-awa ang mga piktyur kag kapsion (E), kag pamensara kon ano ang isabat mo sa Kon Magsiling ang Iban (F).
KATAPUSAN NGA BAHIN
Ang katapusan nga bahin sang leksion amo ang Sumaryo kag Rebyu (G). Ibutang ang petsa kon san-o mo natapos ang leksion. Sa Ang Puede Mo Himuon (H), may mga suhestyon nga puede mo testingan. Sa Dugang nga Impormasyon (I), puede mo basahon ukon tan-awon ang iban pa nga reperensia.
Kon paano mangita sang mga bersikulo sa Biblia
Ang Biblia koleksion sang 66 ka magagmay nga libro. Gintunga ini sa duha ka bahin: ang Hebreo-Aramaiko nga Kasulatan (“Daan nga Katipan”) kag ang Cristianong Griegong Kasulatan (“Bag-ong Katipan”).
Kon ginasambit ang teksto sa sini nga libro, makita mo ang ngalan sang libro sa Biblia (A), dayon ang kapitulo (B), kag bersikulo (C).
Halimbawa, Juan 17:3. Buot silingon, libro sang Juan, kapitulo 17, bersikulo 3.
Basi Manamian Ka Man
MGA PIRME GINAPAMANGKOT
Ano ang Pagtuon sa Biblia nga Ginatanyag sang mga Saksi ni Jehova?
Ang interactive nga programa nga ginatanyag sang mga Saksi ni Jehova libre lang, kag puede mo gamiton ang bisan ano nga translation sang Biblia nga gusto mo. Mahimo mo man hagaron ang imo bilog nga pamilya ukon ang bisan sin-o nimo nga abyan nga mag-upod sa imo.
