Yuav ua li cas koj thiaj khaws tau tej uas qhia hauv phau ntawv no
Nyeem sab peb thiab plaub ua ntej tso, ces saib zaj YEEB YAJ KIAB.
FEEM 1
Thaum koj npaj rau ib zaj kawm, nyeem feem 1. (1) Cov lus nug (2) thiab cov nqe Vajlugkub yog sau los txhawb lub ntsiab. Koj yuav pom tias muaj tej nqe sau hais tias “nyeem.”
FEEM 2
(3) Cov lus sau hauv qab lub ntsiab Kawm Ntxiv qhia txog tej uas yuav kawm rau feem no. (4) Cov ntsiab me qhia tias koj yuav kawm txog dab tsi.
Yuav muaj YEEB YAJ KIAB rau koj saib los txhawb tej uas koj tau kawm. Ib txhia yeeb yaj kiab yog ua txog tej uas tau muaj tiag. Lwm cov tsuas yog ua yeeb yam txog tej qho uas qhia tias kuj muaj tau thiab xwb.
(5) Nyeem cov nqe Vajlugkub, tham txog cov lus nug, thiab mus saib cov yeeb yaj kiab. Tham txog cov duab thiab cov lus sau txog cov duab. (6) Ua tib zoo xav seb koj yuav teb li cas ntawm lub ntsiab Ib Txhia Hais Tias.
FEEM 3
(7) Zaj kawm xaus rau lub ntsiab Koj Kawm Tau Dab Tsi thiab Rov Tham Dua. Sau hnub tim rau ntawm no thaum koj kawm tiav zaj ntawd. (8) Xyaum tej uas hais nyob rau ntawm lub ntsiab Koj Xav Xyaum Yam Twg. (9) Ntawm lub ntsiab Tshawb Ntxiv muaj tej yeeb yaj kiab thiab ntaub ntawv rau koj saib los sis nyeem yog tias koj xav paub ntxiv.
Txheej Txheem
|
|
|
|
Yuav nrhiav cov nqe Vajlugkub li cas
Phau Vajlugkub muaj 66 phau ntawv me thiab muab faib ua ob ntus. Thawj ntu sau ua lus Henplais thiab Alamais (“Phau Qub”) thiab ntu ob sau ua lus Kilis (“Phau Tshiab”).
Thaum sau ib nqes Vajlugkub twg hauv phau ntawv no ces yuav sau (1) phau ntawv ua ntej, (2) mam sau tshooj, thiab (3) ib nqes los sis cov nqe lawv qab.
Piv xam li no, Yauhas 17:3 yog hais txog phau Yauhas, tshooj 17, nqe 3.
Tej Yam No Yuav Pab Tau Koj Thiab
TEJ UAS COOB TUS NUG TXOG
Kev Kawm Vajlugkub Nrog Yehauvas Cov Tim Khawv Zoo Li Cas?
Yehauvas Cov Tim Khawv qhia Vajlugkub dawb xwb. Koj xav siv phau Vajlugkub twg los kawm los yeej tau. Koj yeej caw tau tag nrho koj tsev neeg thiab koj tej phooj ywg tuaj nrog koj kawm.
