Omuano mu mo yenene okumuna ouwa momahongero wOmbeibela nga
Rutenga tara koviṋa mbi mavi kongorere kehi mba nu okuzambo nyanda OKAVIDIO.
ORUPA ORUTENGA
Tji mo rirongerisa kehongwa arihe, lesa orupa orutenga. Omapuriro nga ririsiwa omazorondu (A) nomatjangwa (B) ngu maye ṋunisa omapu omananḓengu. Omatjangwa nga tjangwa kutja “lesa,” maye sokulesewa ku nomundu ngu mamu rihongo pamwe.
ORUPA RWOPOKATI
Omambo omatenga (C) kehi yorupa ndwi Konḓonona oukoto maye kahurura mbi mavi kongorere ko. Omapu wokehi (D) maye tjiukisa oviṋa ovinanḓengu. Lesa omatjangwa ku nomundu ngu mu rihonga pamwe, zira omapuriro, nu tarera ouvidio.
OZOVIDIO nḓe ri mouwongo maze ku pe ondjivisiro onyingi ohunga nehongwa. Ozovidio tjiva ze raisa oviṋa mbya tjitwa. Nu zarwe kaze raisa oviṋa mbi tjitwa tjiri nungwari ze tu honga oviṋa mbi tjitwa mehupo.
Tara koviperendero nomakahururiro wavyo (E), nu ripurira komuano mu mo ziri orupa ndwi Ovandu tjiva ve tja (F).
ORUPA ORUSENINA
Ehongwa mari yanda notupa twi Okuyarukira po ousupi nOkurizemburukisa (G). Tjanga omayuva ehongwa ndo mu ra manuka. Orupa ndwi Ondando (H) maru ku pe otjiṋa tji mo hepa okutjita kutja u kayende komurungu okurihonga. Morupa ndwi Rihonga ovingi (I) mo munu mo ondjivisiro yokomurungu kove okulesa nokutarera.
Omurya
|
|
|
|
Omuano mu mo yenene okumuna omatjangwa wOmbeibela
Ombeibela ya zikama momambo 66. Oyo ya haṋewa motupa tuvari: Omatjangwa wOtjiheberi nOtjiaramei (“Etestamente Ekuru”) nOmatjangwa wOtjigrike (“Etestamente Epe”).
Membo ndi, omatjangwa ya raisiwa otja kena rembo rOmbeibela (A), ekondwa (B), nezeva poo omazeva (C).
Otjotjihorera, Johanes 17:3 mari hee embo ra Johanes, ekondwa 17, ezeva 3.
Mo yenene okutara ku imbi wina
OMAPURIRO NGE PURWA i yovandu OVENGI
Ovahongonone va Jehova ve yandja omerihongero wOmbeibela momuano uṋe?
Ove mo yenene okuungurisa Ombeibela ngamwa aihe indu tji mo rihongo Ombeibela otjari pu nOvahongonone va Jehova. Mo yenene okuṋanga eṱunḓu roye arihe poo omapanga woye okukara pomerihongero woye wOmbeibela.
