Ɛgɛ nɛ a géē lɛ itene ŋma aɛlā ō nwu ku Ubáyíbu nyā lɔɔlɔhi a
Leyi yɛ aɛlā nyā aflɛyi, ku a klla lɛ UVIDIO nyā mafu.
AYA AFLƐYI
O ya ɛɛ ku a ya otutu ku aɛlā ō nwu a eyeeye a, lɛ aya aflɛyi a jé. Aɔka néē ta kplɔkplɔ a (A) aɛga ku Ubáyíbu (B) nōo kɛla lɛyikwu ɔcɛla a. Ó lɛ aɛga ku Ubáyíbu ōhī néē ta u “jé” ba ɔ iyē.
AYA KU ƆTAHƐ
Ɛlā aflɛyi néē ka (C) nōo yɔ ɛhaajɛ ku Jé Gɔbu a gē lɛ ɛlā nɛ alɔ gáā klɔcɛ a teyi peee. Aikpɛyi ɛlā (D) ā gē da alɔ ɔcɛla a. Mla ɔcɛ nōo gē klɔcɛ mla uwɔ a, jé aɛga ku Ubáyíbu, cila aɔka a ku a klla má auvidio a.
Ikpati nɛ UVIDIO yɔ ipu nu a gē bi alɔ gā ɛga nɛ alɔ géē má uvidio nōo géē je ɛlā néē ka a teyi peee tōōtɔ̄ɔ̄ fiyɛ. Auvidio ōhī wɛ ɔka ku ɔdā nōo ya ɔkwɔɔkwɛyi. Ōhī kē wɛ udrama anca, amáŋ, ó gē mafu ɔdā nōo gē ya ɔkwɔɔkwɛyi.
Leyi má aifoto a lɔɔlɔhi mla ɛlā néē ka lɛyikwu aifoto a (E), ku a klla gbɛla lɛyikwu ohi ku ɛlā nɛ Ācɛ Ōhī Gē Ka (F).
AYA AMOOMƐ
Ɔdi nɛ a nwu a? mla Aɔka ō tu alɔ ɛlá kwu ɔdā nɛ alɔ nwu (G) a gē bi ɛlā ō nwu a wɛ oŋmɛyi. Lɛ ɛ̄cī nɛ a ya ɛlā ō nwu ku uwɔ mɛ a ta taajɛ. Ɔdā nɛ a géē ya (H) a gē da uwɔ ɔdā nɛ cika ō ya amāŋ ɛgɛ nɛ a géē bi ɔdā nɛ a nwu a le yuklɔ. Jila ɛlā nyā má tōōtɔ̄ɔ̄ (I) a lɛ aɛlā ō nwu nɛ a géē dɔka ō jé amāŋ má.
Aya Ɛyɛɛyɛyi
|
|
|
|
Ɛgɛ nɛ a géē dɔka ɛga ku Ubáyíbu néē ta ipu ɔkpá nyā a
Ubáyíbu lɛ aɔkpá nɛ̄ŋcɛ́ ofu ɛta ce ɛhiili (66). Ó kē lɛ aya ɛpa: Ɔkpiihɔ Ŋma Okonu Ku Ācɛ Uhibru mla Aramayik (Ɛka Nɛ̄ncɛ̄) mla Ɔkpiihɔ Ŋma Okonu Ku Ācɛ Ugriisi Aku Ācɛ O Yɛce Ukraist (Ɛka Ɛyipɛ).
Eko duuma néē yɔ i kɛla lɛyikwu ɛga ku Ubáyíbu, é gē ta iyē ku ɔkpá ku Ubáyíbu a aflɛyi (A), ɛyi gē gboce ɔ a (B), mla ɔgba amāŋ aɔgba (C).
Ocabɔ mafu, Ujɔ́ni 17:3 yɔ i mafu ka ɔkpá ku Ubáyíbu a wɛ Ujɔ́ni, ɛyi 17, ɔgba 3.
