Jaabwọ á ka bwu ye apyobwuna yẹẹyẹẹ bwu ang ọ-jẹ́ bwu ịBayịbụụ ịlẹ
Họhẹ-họhẹ, kụ ẹhị yẹ ọdawụlẹ ọlẹbẹ ọlẹ bala ọ-yẹ IFIM ọwẹ.
ỤPA ỌHỌHẸ
Nyọka nwụlanọ nya ang ọjẹ́jẹ ọnyị myị́ ọnyị, wa ụpa ọhọhẹ. Ịtọ ẹla ịkpọyị (A) bala ụpwụ ịgọgọ (B) kaa gba ẹhị nya ẹla kpehe. À ka yẹ nyori ị da ba ịBayịbụụ ịhyẹ nyị “wa.”
ỤPA ỌLẸPWARỊRỊ
Ẹla ọhọhẹ (C) olekpeleji nya Jẹ́ Gụ Ọọwa da ang ọlẹ kọ tọọ da wụlẹ. Ụbẹẹtụ (D) kaa gba ẹhị nya ẹla ịkpọnchị kpehe. Ahụ bala ọngọmẹjẹ nyang a wa ụpwụ ịgọgọ, wẹ ịtọ ẹla, bala ọ-yẹ ifim ịwẹ.
IFIM bala OMYI ẸLA Ị-KỊLA JU ịla ang ọjẹ́jẹ ịwẹ ka dang ụbwọ wo etu nya ẹla ọlẹ ká wẹẹ jẹ́. Ifim ịhyẹ ri ẹla ịlẹ kị họ a-ahịchịng. Ịkịla ri ịdịrama nya ang ịlẹ kị họ ta angịịwa ayịdang kpangga ka, ma kị tị ka họ myị́ ọ-ọhịhị.
Kụ ẹhị yẹ arụrụ bala ang ịlẹ kị da baa (E), bala ọ-kụ irya jaabwọ ká ka bwu wẹ ịtọ ẹla ilekpeleji nya Angịhyẹ Kaa Yẹkẹẹ (F).
ỤPA OHYẸẸKPẸ
Ẹlịyẹ A Tị́ Jẹ́? bala Ẹlịyẹ A Tị́ Yụbwọ Chị? (G) kaa chị ang ọjẹ́jẹ eju. Da ahyẹẹnụ ọlẹ ká chị ang ọjẹ́jẹ ọọwa eju ju ang. E-ekpeleji nya Ụkụrwọ ọlẹ á ka họ (H), ịị ya ịngịhyẹ hang ọlẹ á ka họ. E-ekpeleji nya Jẹ́ Ang Ịlẹ Dọọ U-Uhye (I), à ka yẹ ịngịhyẹ ọlẹ á ka tịtọ myị́ nyọka wa lee ọyẹyẹ.
Ang Ịlẹpwụ nya Ụpwụ Ọlẹ
|
|
|
|
Jaabwọ á ka bwu yẹ ụpwụ ịgọgọ
ỊBayịbụụ ri ọtụchawụlẹ nya apwụ 66 ichiche. Ọ la ebwo imiiye: ọlẹ kị da la òja nya iHiburu bala Aramayiki (“Iro Ọnwànwa Onyogo”) bala ọlẹ kị da la òja nya iGiriki (“Iro Ọnwànwa Onyeewe”).
Ịị dụbwọ ka ụpwụ ịgọgọ bwula ẹnyị nya ụpwụ ọọwa (A), egbeju nyamwụ (B), bala ọgba (C).
Ọ-chụ pwokwita, ịJọn 17:3 ri ụpwụ nya ịJọn, egbeju 17, ọgba 3.
