Wa yu fi du fi mek shuor se yu get evriting outa dem Baibl lesn ya?
Fos, luk pan som a di sitn dem we yu a-go go chuu iina da buk ya, an den plie di VIDIYO.
DI FOS PAAT A DI LESN
Riid di fos piej a di lesn bifuo di sumadi du di stodi wid yu. Riid aal a di paragraaf dem, di kwestiyan dem (A), an di skripcha dem (B). An yu a-go si se som a di skripcha dem av saida it se yu fi riid it.
DI SEKAN PAAT A DI LESN
Di fos sentens (C) we kom anda Lorn Som Muo a-go mek yu nuo wa da paat ya bout. Dem tapik ya (D) mek yu nuo di sitn dem we wi a-go taak bout iina da paat ya. Riid di skripcha dem, ansa di kwestiyan dem, an wach di vidiyo dem wid di sumadi we a stodi wid yu.
Yu a-go si som paat iina da buk ya we niem VIDIYO. Dem paat ya av som vidiyo we yu fi wach we a-go elp yu fi lorn muor tingz. Som a di vidiyo dem a taak bout riil piipl an wa dem did go chuu. An di ada vidiyo dem a shuo piipl a ak out tingz we kuda apm iina riil laif.
Luk pan di picha dem an wa dem rait op se bout dem (E), an tingk bout ou yu wuda ansa di kwestiyan iina di paat we niem Sumadi Mait-a Se (F).
DI LAAS PAAT A DI LESN
Dis A Wa Yu Fi Memba an Wa Yu Did Lorn Iina Da Lesn Ya? (G) miin se di lesn a-go don nou. Rait dong di diet wen yu don di lesn. Di paat we niem Du Dis (H) gi yu wan likl sopm fi du. Di paat we niem Chek Out Som Muo Sitn (I) av som ada tingz we yu kyan lisn, riid ar wach ef yu waahn.
Wa De Iina Dis
|
|
|
|
Ou yu kyan go fain di skripcha dem iina yu Baibl?
Di Baibl av 66 likl buk iina it. It av tuu paat iina it: di fos paat did rait iina Iibruu an Aramiek (“Oul Testiment”) an di sekan paat did rait iina Griik (“Nyuu Testiment”).
Wen yu si wan skripcha iina da buk ya, fos yu a-go si di niem fi di buk iina di Baibl (A), di chapta (B), an den di vors (C).
Si wan egzampl ya: Jan 17:3. Dat miin se Jan a di niem a di buk iina di Baibl, 17 a di chapta, an 3 a di vors.
