Ju papii itiura unuimiatramniaitiam?
Ju papii unuimiatsuk emka ju aujsata. Turam VIDEO iista.
PARTE 1
Unuitiameana nujai unuimiatsuk tesarma juarmarin ana nu emka aujsata. (A) Anintramu numerojai iruneawai (B) tura wariniua unuimiam nuna Yuusa chichame mukusajai aarma iruneawai. Yuusa chichame aarma iruneana nui aujsata tu aarmash iruneawai.
PARTE 2
(C) Penker nekaatai tana nuinkia unuimiatrattamna nuna aujmatui. (D) Numerojai aarma iruneana nuka wariniua nekaattam nuna aujmateawai. Unuitiameana nujai Yuusa chichame aujsam nui anintramu irunna nu aimkiata tura video iruneana nusha iista.
VIDEO IRUNU. Recuadro irunna nuinkia iistin najanamu irunu wainkiattame, nuka Yuus papii aarma ana nuna paant nekaatniun yainmakminiaiti. Nekas nankaamasun aujmatusha video irunui. Nuyasha nankaamasminia nuna nakumainiamusha video irunui.
(E) Nakumkamu irunna nuna tura nui ayam aarma irunna nunasha aujmattsata. (F) Tura chikich tuiniana nu amesha warintinmek nui enentaimsata.
PARTE 3
(G) Wari nekaam tura Awakeasrik nekaatin tu aarma iruneawai. Akankamu unuimiatram amukam urutainia unuimiatram amukum nu aarta. (H) Juna turattajai tana nuinkia Yuusa chichame unuimiatki wetasam wari najanamniaitiam nuna aarmaiti. (I) Nukap nekaata tana nuinkia papii unuimiatramniaitmena nu tura video iisminiaitmena nu irunui.
Unuimiatratin irunu
|
|
|
|
Yuus papii aarma itiura wainkiamniaitiaj
Yuus papiikia jimiara tesamuiti, nuinkia 66 papii awai. Hebreo tura arameo chichamjaisha nuya griego chichamjaisha aamtramiayi.
Juu papiinmanka Yuusa chichame aarma irunna nuinkia emka (A) papii naari awai, tura (B) wari akankamuit nuna número awai nuyanka (C) wari akantramuit nunasha número awai.
Watskea, Juan 17:3 ainis aarmaka, Juan papii, akankamu 17, akantramuri 3 tu aujtainti.
