Bac a d-tesfaydiḍ akken ilaq si tɣuri n Wedlis Iqedsen...
Di tazwara, wali amek ara tessexdmeḍ iḥricen yellan di mkul timeɣri, mbeɛd feṛṛeǧ BIDYU-YAGI.
AḤRIC AMEZWARU
Akken aţ-ţheggiḍ iman-ik, ɣer aḥric amezwaru n tmeɣri. Isteqsiyen yuran s llun nniḍen (A) akk-d yefyar yeţwaketben s tira tizuranin (B) ţwerrin-d ixemmimen iɣef i glaq aţ-ţecfuḍ. Aţ-ţafeḍ daɣen zdat n kra n yefyar ameslay “ɣer-ed”.
AḤRIC WIS SIN
Deg weḥric yeţţusemman A nnadi a nefhem akteṛ, imeslayen imezwura (C), d ixemmimen ara teɣreḍ. Yal asentel (D) yessefham-ed yiwen uxemmim iɣef i glaq aţ-ţecfuḍ. Kečč akk-d win i k-yesselmaden, a d-teɣrem ifyar, a d-tǧawbem ɣef yesteqsiyen w’aţ-ţfeṛṛǧem bidyuwat.
BIDYUWAT i d-yeţţunefken ssefhament-ed akteṛ ixemmimen yellan di tmeɣri. Kra n bidyuwat ḥekkunt-ed ayen yeḍran s ṣṣeḥ, tiyaḍ ţmettilent-ed kan liḥalat i gzemren a d-ḍrunt.
Aţ-ţwalim daɣen kra n ţţewṣifat d wayen yeţwaketben zdat-sent (E). Aţ-ţɛerḍem daɣen a d-tǧawbem ɣef yesteqsiyen yellan deg weḥric Kra qqaren (F).
AḤRIC WIS TLATA
Iḥricen Ayen i d-nelmed akk-d A d-nesmekti (G) smektayen-d ayen yellan di tmeɣri s kra kan n imeslayen. Tzemreḍ aţ-ţketbeḍ ass ideg i tfukkeḍ timeɣri. Aḥric Lmeqsud-iw (H) a k-iɛiwen aţ-ţesɛuḍ yiwen n lmeqsud. Aḥric Tzemreḍ aţ-ţwaliḍ daɣen (I) aţ-ţafeḍ deg-s leḥwayeǧ nniḍen ara teɣreḍ neɣ ara tfeṛṛǧeḍ.
Amek ara d-tafeḍ afir deg Wedlis Iqedsen
Deg Wedlis Iqedsen llant 66 n tektabin. Yefreq ɣef sin yeḥricen: Tira tiɛibṛaniyin ţ-ţramiyin (“Lɛahd Aqdim”) akk-d Tira tiyunaniyin (“Lɛahd Ajdid”).
M’ara d-ţwabedren yefyar di tektabt-agi, aţ-ţafeḍ qbel isem n tektabt n Wedlis Iqedsen (A), mbeɛd ixef (B), mbeɛd afir neɣ ifyar (C).
Ɣef lemtel, Yuḥenna 17:3 yeɛna taktabt n Yuḥenna, ixef 17, afir 3.
Tzemreḍ aţ-ţwaliḍ daɣen…
ISTEQSIYEN I D-IŢŢUƔALEN DIMA
Amek i sɣarayen Inagan n Yahwa Adlis Iqedsen?
M’ara teɣreḍ baṭel Adlis Iqedsen akk-d Inagan n Yahwa, tzemreḍ aţ-ţessexdmeḍ adlis-ik iqedsen w’a d-tɛerḍeḍ iɛeggalen n twacult-ik neɣ leḥbab-ik.
