à hã ren kỹ Topẽ Vĩ Rá to kanhrãn há han ke mũ?
Tag mĩ, ã tỹ kanhrãn ke mũ, ã hã ren kỹ Topẽ Vĩ Rá to kanhrãn ke mũ ti, curso tag kã. Ã tỹ ti vẽnh kãpóv tag le ke kãn kar, ha vé VÍDEO tag ti.
VẼNH KÃPÃM VE
Vẽnh kãpãm ag le ke nĩ, kar vẽnh ki jẽmẽ ag tỹ cor tỹ ũꞌ nỹtĩ ag ti (A). Vẽnh rá tỹ Topẽ Vĩ Rá ag rã tỹ “le ke” ti rán kỹ nĩ, ag le ke nĩ gé. Kar vẽnh rá tỹ Topẽ Vĩ Rá sá ag le ke nĩ gé (B), ag tỹ ẽg kanhrãnrãn há han kỹ.
VẼNH KÃPÃM KUJU
Vẽnh kãpãm tỹ “Vẽnh kanhrãn kãfór nĩ” ki, ã tỹ lição ne to kãmén tĩ ag venh ke mũ (C). Vẽnh kãpãm tỹ nũmro (D) ag vỹ nén ũ há to kãmén há tĩ. Ũn tỹ ã kanhrãn tĩ mré, vẽnh rá tỹ Topẽ Vĩ Rá ag le kem nĩ, vẽnh ki jẽmẽ ag to kãmén nĩ, kar vídeo ag vem nĩ.
Lição ag kãki ã tỹ ti vẽnh kãpóv tỹ VÍDEO venh ke mũ, ti vỹ ã ajuna ke tĩ, ã tỹ nén to kanhrãn mũ ẽn to kanhrãn kãfór jé. Vídeo ũ ag vỹ ũn kãme to kãmén tĩ. Kar vídeo ũ ag vỹ nén tỹ hã ri ke tĩ ag vinven tĩ.
Ti kãgrá ag tugnỹm nĩ, kar ag vẽnh rá ti (E), kar ã ne tónh mũ to jykrén nĩ, vẽnh kãpãm tỹ “Ũn pipir ag vỹ ke tĩ” ki (F).
VẼNH KÃPÃM ẼGNO
à tỹ lição to kanhrãn kãn kar, ã tỹ venh ke mũ, vẽnh kãpãm ag tỹ “à ne kanhrãn ja ti” kar “Jykrinkrén mũ” ti (G). Ha rán, ã tỹ kurã tỹ ne kã lição ti tugnỹm kãn ti. “Nén ũ tag hyn han vãsãn nĩ” ki (H) ã tỹ venh ke mũ, ã ne han vãsãn ke mũ ti. Vẽnh kãpãm tỹ “Vẽnh kanhrãn kãfór mũ” ki (I) ã tỹ nén ũꞌũ ag venh ke mũ, ã tỹ nén to kanhrãn ja to.
Ti vẽnh kãpóv ag
|
|
|
|
à hã ren kỹ Topẽ Vĩ Rá ki vẽnh rá ag jãvãnh ke mũ?
Topẽ Vĩ Rá tỹ vẽnh kãpãm kỹ nĩ, livro sĩ tỹ 66 ki. Ti vẽnh kãpóv ũ vỹ rán mũ, Hebraico kar Aramaico vĩ (“Velho Testamento”), jo ti vẽnh kãpóv ũ vỹ rán mũ, Grego vĩ (Novo Testamento), Jesus nón mũnh fã ag mỹ.
à tỹ Topẽ Vĩ Rá vẽnh rá rán kỹ nĩ ve kỹ, ã tóg venh vén ke mũ, vẽnh rá jyjy (A). Kar kỹ nũmro mág (capítulo) vẽnh ven tĩ (B) kar nũmro sĩ (versículo) ti, ke tũ nĩn kỹ nũmro sĩ ag (versículos) ti (C).
Ha vé, João 17:3 vỹ tỹ vẽnh rá jyjy tỹ João nĩ, nũmro mág tỹ 17, kar nũmro sĩ tỹ 3 ti.
