Kumno ban kham ïoh jingmyntoi na kane ka jinghikai jong ka Baibl
Nyngkong eh peit shuwa ïa kine ki jingbatai lyngkot, bad nangta sa peit ïa ka VIDEO.
KA BYNTA BA NYNGKONG
Ban pynkhreh na ka bynta man la ki lynnong, pule ïa ka bynta ba nyngkong. Ki jingkylli (1) bad ki dkhot Baibl (2) ha ki dak rben ki ban ïa ki mat ba kongsan. Peit ba don katto katne ki dkhot Baibl ba la thoh “pule.”
KA BYNTA BA HAPDENG
Ka jingthoh ha kaba sdang (3) jong ka bynta Wad Shuh Shuh ka batai ïa kaei kaba ngin ïa kren. Ki Phangrit (4) ki batai ïa kaei kaba ngin ïa pule. Pule ïa ki dkhot Baibl, jubab ïa ki jingkylli, bad peit ïa ki video bad i nonghikai Baibl.
Ki VIDEO kiba don ha ka lynnong ki lah ban ïarap ïa phi ban sngewthuh shuh shuh ïa kaei kaba phi pule. Don katto katne ki video kiba jia shisha. Kiwei pat kiba la shu ak hynrei kiba lah ban jia shisha.
Peit ïa ki dur bad ïa ki jingthoh ba don hapoh jong ki (5), nangta sa pyrkhat kumno ban jubab ïa ka bynta Don Kiba Ong (6).
KA BYNTA BA KHATDUH
Ki Mat Ba Kongsan bad Peit Biang (7) ki batai lyngkot ïa ka lynnong baroh kawei. Thoh ïa ka tarik ba mynno la pyndep ïa ka lynnong. Ka Thong (8) ka pynshlur ïa phi ban pyndonkam ïa ki jinghikai ba phi la ïoh. Ka bynta Pule Shuh Shuh (9) ka don kiwei de ki jingtip kiba phi lah ban pule ne peit.
Kumno ban wad ïa ki dkhot Baibl
Ka Baibl ka kynthup ïa 66 tylli ki kitab. La phiah ïa ka ha ki ar bynta: ki jingthoh ha ka ktien Hebru-Aramic (“Ka Testament Barim”) bad ki jingthoh ha ka ktien Grik (“Ka Testament Bathymmai”)
Haba la thoh ïa ki dkhot Baibl ha kane ka kot, la thoh ïa ka da ka kyrteng jong ka Kitab (1), bud sa ka lynnong (2), bad ka dkhot ne ki dkhot (3).
Kum ka nuksa, Ïoannis 17:3 ka thew ïa ka kitab u Ïoannis, ka lynnong kaba 17, ka dkhot kaba 3.
