بۇل كىتاپتىڭ كوپ پايداسى تييۋ ٷشىن
الدىمەن، وسىنداعى مالىمەتتەردى شولىپ شىعىپ، سوسىن ٴبەينەروليكتى كورىڭىزدەر.
ساباقتىڭ باسى
ٵر ساباققا دايىندالۋ ٷشىن، الدىمەن ساباقتىڭ باسىنداعى ٴماتىندى وقىڭىز. قالىڭ قارىپپەن جازىلعان ا) سۇراقتار مەن ٵ) كيەلى كىتاپ تارماقتارى باستى ويلاردى ايقىندايدى. تارماقتاردىڭ كەيبىرى «وقىڭىز» دەپ بەلگىلەنگەن.
ساباقتىڭ ورتاسى
ب) «تەرەڭىرەك ٷڭىلىڭىز» دەگەن جەردىڭ تومەنىندە ٵرى قاراي نە قاراستىرىلاتىنى تۇسىندىرىلەدى. ال ۆ) تاقىرىپشالاردا نەگىزگى ويلار جازىلعان. تالىمگەرمەن بىرگە تارماقتاردى وقىڭىز، سۇراقتارعا جاۋاپ بەرىڭىز جانە بەينەروليكتەردى كورىڭىز.
ساباقتاعى بەينەروليكتەر مەن اۋديولار سىزگە قاراستىرىپ جاتقان ٴماتىندى تەرەڭىرەك تۇسىنۋگە كومەكتەسەدى. كەيبىر بەينەروليكتەردە ومىردە شىن بولعان جاعدايلار كورسەتىلەدى. ال باسقالارى قويىلىم تۇرىندە تۇسىرىلگەن. ونداعى وقيعالار مەن ادامدار ومىردەن الىنباعانمەن، ولار شىن ومىردە بولاتىن جاعدايلاردى سۋرەتتەيدى.
گ) سۋرەتتەر مەن جازۋلاردى مۇقيات قاراپ شىعىڭىز جانە ع) «كەيبىرەۋلەردىڭ ايتاتىنى» دەگەن جەردەگى پىكىرلەر مەن سۇراقتارعا قالاي جاۋاپ بەرۋگە بولاتىنىن ويلاپ كورىڭىز.
ساباقتىڭ سوڭى
د) «تۇيىندەمە» مەن «قايتالاۋ» ساباقتى قورىتىندىلايدى. ساباقتى بىتىرگەن كۇنىڭىزدى جازىپ قويىڭىز. ە) «ماقسات» دەگەن جەردە تاپسىرما بەرىلەدى. ج) «قوسىمشا ىزدەنىڭىز» دەگەن جەردە وقۋعا جانە كورۋگە ارنالعان كوبىرەك مالىمەت بار.
مازمۇنى
|
|
|
|
كيەلى كىتاپ تارماقتارىن قالاي تابۋعا بولادى؟
كيەلى كىتاپ 66 كىشىگىرىم كىتاپتان تۇرادى. ول ەكى بولىككە بولىنگەن. ٴبىرىنشى بولىگى ەۆرەي جانە ارامەي تىلىندە جازىلعان، ال ەكىنشىسى گرەك تىلىندە جازىلعان.
وسى كىتاپتا قانداي دا ٴبىر تارماق كورسەتىلسە، الدىمەن ا) كىتاپتىڭ اتاۋى، سوسىن ٵ) تاراۋ، ال كەيىن ب) تارماق يا تارماقتار تۇرادى.
مىسالى، ايان 21:3 دەگەن ايان كىتابىنىڭ 21-تاراۋىنىڭ 3-تارماعىن بىلدىرەدى.