Mutindu nge lenda baka mambote na ndongokolo yayi ya Biblia
Ntete-ntete tadila malongi nionso mutindu bamebongisa yau, mpe na manima tula VIDEO.
KITINI YA NTETE
Samu na kubongisa dilongi, tanga kitini ya ntete. Biuvu yina kele na ndombe ya ngolo (A) mpe baverse (B) yina kena kubula nsoso na mambu ya ngudi. Simba ti bamesonika na baverse yankaka “tanga.”
KITINI YA KATIKATI
Bampova ya ebandeli (C) yina kele na yinsi ya kisika bamesonika Kota na mpinda kena kusasila mambu yina kelanda. Bayintu ya diambu ya fioti (D) kena kumonisa bitini ya ngudi. Kintuadi na nlongisi na nge, tanga baverse, pesa bamvutu na biuvu, mpe tala bavideo.
Ankadre yina kele na VIDEO kepesa nge dikoki ya kutala bavideo yina kena kubuela mabanza ya mukanda. Bavideo yankaka kena kumonisa masolo ya kedika. Kasi yankaka kele kaka lokola bateatre yina kena kumonisa ve mambu to bantu ya kedika, kasi yakena kumonisa mambu yina lenda salama.
Tadila diaka bafoto na dikebi mpe bakomantere na yau (E), mpe kanisa na mutindu ya kupesa mvutu na yina Bantu yankaka metuba (F).
KITINI YA NSUKA
Bunkufi mpe Mvutukulu (G) mesukisa dilongi. Sonika dati yina dilongi memanisa. Na kisika bamesonika Lukanu (H) nge kekuta diambu yina nge lenda sadila ngolo. Sosa (I) kele na mambu yina nge lenda tanga to kutala.
Mutindu ya kumona baverse ya Biblia
Biblia kele na mikanda ya fiotifioti 66. Yamekabuka na bitini zole: Masonukua ya Ebreo-Arameye (“Testama ya Ntama”) mpe Masonukua ya Greki ya Buklisto (“Testama ya Yimpa”).
Kana bamepesa verse mosi na ndongokolo yayi, yaketuluaka kubanda na nkumbu ya mukanda ya Biblia (A), na manima kikapu (B), mpe verse to baverse (C).
Na kifuani, Yoane 17:3 kena kumonisa mukanda ya Yoane, kikapu 17, verse 3.
