Muswelo wa kumwena mu ano masomo a Bible
Bandaulai bidi ino myanda ilombola mwikadile ano masomo, ebiya kemutale VIDEO.
KIPINDI KIBAJINJI
Pa kwiteakanya ku kifundwa ne kifundwa, tanga kipindi kibajinji. Bipangujo bityite (A) ne bisonekwa (B) bikomeneja myanda mikatampe. Yuka’mba pa bisonekwa bimo i palembwe amba “tangai.”
KIPINDI KYA PA BUKATA
Bilembwa bibajinji bya (C) mu kipindi Languluka Bininge bishintulula myanda ilonda’ko. Tumitwe twa myanda (D) tukomeneja byobya bisa kwisambilwa’po. Tangai bisonekwa pamo na yewa ukufundija, londolola bipangujo, ne kutala mavideo.
MAVIDEO abweja’ko milangwe ku myanda ifundwa. Mavideo amo i a bintu bilongeka bine. Ino makwabo nao i a kwengelekeja bantu nansha myanda milongeke.
Bandaulai bifwatulo ne bilembwa byabyo (E), kadi langulukila pa mwa kulondolwela ku kipindi Bantu Bamo Banenanga’mba (F).
KIPINDI KYA MFULO
Bipindi mu Kīpi ne Pitulukai’mo (G) bikongela pamo kifundwa. Lemba mafuku a kweji omwapwa kifundwa. Kipindi Witungile Kitungo (H) kikulombola mwingilo wa kwingila. Kipindi Kimba (I) kidi na myanda ya ntentekelo yokokeja kutanga nansha kutala.
Bidi’mo
|
|
|
|
Mwa kusokwela mavese mu Bible
Bible i mubundwe na mikanda mityemitye 66. I mwabanibwe mu bipindi bibidi: Kibajinji i kya Bisonekwa bya Kihebelu ne Kialamia (“Kipwanino kya Kala”) ne kya bubidi i kya Bisonekwa bya Kingidiki bya Bwine Kidishitu (“Kipwanino Kipya”).
Mu ano masomo, bisonekwa bitelwanga na dijina dya mukanda wa mu Bible (A), palonda shapita (B), ebiya ke vese nansha mavese (C).
Kimfwa, Yoano 17:3 i mukanda wa Yoano, shapita 17, vese 3.
Tala'po Bidi ne Bino:
BIPANGUJO BIPANGULWANGA DIVULE
Le Kifundwa kya Bible Kīfundanga Batumoni ba Yehova na Bantu I Bika?
Mu mpangiko ya kwifunda Bible ku bitupu na Batumoni ba Yehova, ubwanya kwingidija’mo bwalamuni bo-bonso bwa Bible. Ita kisaka kyobe kyonso nansha balunda nobe batanwe’po.
