He Bible Sawihona I Hlâwkpui Theih Ber Dân
A hmasain he khaikhâwmna hi lo ngaihtuah ta ila, a hnuah VIDEO chu chhuah rawh.
A HMASA LAM
Zirlai tinte atâna inbuatsaih nân ṭhen hmasa ber chu chhiar rawh. Hawrawp tak bîka ziak zawhnate (A) leh Bible chângte (B) chuan a thu pawimawh laite a târ lang. Bible châng ṭhenkhat chu “chhiar rawh” tia chhinchhiah a ni tih hria ang che.
A LAI HAWL
Zir Belhin Hmuh Belh Rawh tih thupui hnuaia thu ziak hmasa ber (C) chuan kan ngaihtuah tûr thute chu a târ lang a. Thupuitê te (D) chuan a thu pawimawh laite a hmêlhriattîr a ni. Bible sawipuitu che nên chuan Bible chângte chhiarin, zawhnate chhângin, leh video-te en tlâng ang che u.
VIDEO awmna bâwmte chuan a thu nêna inkûngkaih video-ah te a hruai ang che. Video ṭhenkhat chu thilthleng tak tak a ni a. A dangte chu thilthleng tak tak ni lovin, a taka awm thei dinhmunte târ lang tûra chanchawp a ni.
Milem leh a hrilhfiahna thute (E) chu ngaihtuah ula, Mi Ṭhenkhat Sawi Dân (F) tih thute chhân dân tûr chu ngaihtuah rawh.
A TAWP LAM
Khaikhâwmna leh Ennawnna (G) hmanga zirlai chu tih tâwp a ni a. Zirlai i zir zawh nî chu chhinchhiah rawh. Tih tum rawh (H) tih chuan tih tûr ṭhenkhat a pe ang che. Hriat Belh Nân (I) tihah chuan chhiar leh en i duh mai theih thute a awm a ni.
A Chhûnga Thu Awmte
|
|
|
|
Bible chângte zawn hmuh dân
Bible hi lehkhabu tê 66 infinkhâwm a ni a. Chu chu hmun hnihah ṭhen a ni: Hebrai-Aramaic Pathian Lehkha Thu (“Thuthlung Hlui”) leh Kristian Grik Pathian Lehkha Thu (“Thuthlung Thar”) tiin.
He sawihonaa Bible châng târ lan a nih hian, Bible chângte chu, Bible bu hming (A), a bung (B), leh a châng, a nih loh leh a chângte (C) tia târ lan a ni.
Entîr nân, Johana 17:3 tih chuan Chanchin Ṭha Johana ziak, bung 17, châng 3 tihna a ni.
You May Also Like
ZAWH FO ṬHIN ZAWHNATE
Jehova Thuhretute Ruahman Bible Zirna Chu Eng Nge Ni?
Jehova Thuhretute ruahman a thlâwna sawihona phûrawm takah Bible lehlin eng pawh i hmang thei a. I chhûngte leh i ṭhian tu pawh i sâwm thei a ni.
