Na̱sa tava̱-yo tuʼun vaʼa tuni nu̱u̱ curso Biblia yaʼa
Ta nchaʼa kejaʼa-ní curso, kaʼvi-ní tuʼun yaʼa. Ñukua kundeʼe-ní VIDEO.
PARTE XINAÑUʼUN
Ta nchaʼa skuaʼa-ní, kaʼvi maa-ní parte xinañuʼun ja kejaʼa nu̱u̱ ɨn ɨn lección. Nda tuʼun jikatuʼun (A) ji nda texto ja iyo tuún ka (B) kuu ndaniʼi-yo nda tuʼun kánuu. Kundeʼe-ní ja sava nu̱u̱ nda texto yoso tuʼun “Kaʼvi-ní”.
PARTE UU
Xinañuʼun párrafo sección “Ná kutuʼva ka-yo sɨkɨ nda tuʼun yaʼa” kachi naguá kuu ja kutuʼva-yo nu̱u̱ parte lección yaʼa (C). Nda subtítulo kachi nde ɨn kuu nda tuʼun ja kánuu ka (D). Jín ñayí ja steʼen nu̱u̱-ní, kaʼvi-ní nda texto Biblia, xndikó-ní nda tuʼun jikatuʼun ji kundeʼe-ní nda video.
NDA VIDEO. Nu̱u̱ nda recuadro ndaniʼi-ní nda video ja kuu chíndeé ka ja jakuʼun ini-ní texto lección yaʼa. Sava nda video nda̱a̱ kuu ja ni kuu sukua. De sava ka kuu escenificación ja kuu chíndeé nu̱u̱-yo ja jakuʼun ini-yo.
Kundeʼe-ní nda foto ji nda tuʼun ja yitaʼan jín-ji (E), de kani xini-ní na̱sa kachi-ní sɨkɨ “Ja kachi sava nda ñayí” (F).
PARTE UNI
Nda lección xndɨʼɨ jín nda “Ja ni kutuʼva-yo” ji “Tuʼun núku̱ʼun ini” (G). Ta ni sínu-ní skuaʼa-ní lección te̱e̱-ní kɨvɨ ni xdɨʼɨ-ní. Nu̱u̱ recuadro ja nani “Ja saʼa-ní” kuu ndaniʼi-ní tuʼun ja kuu chíndeé nu̱u̱-ní (H). Nu̱u̱ sección ja nani “Nu̱u̱ ndaniʼi ka-ní tuʼun” ndaniʼi-ní nda̱ká tuʼun ji video ja kuu kundeʼe-ní (I).
Na̱sa ndaniʼi-ní ɨn texto nu̱u̱ Biblia
Biblia yiʼi 66 tutu luli. Iyo uu sección: nda Escritura Hebreoaramea ji nda Escritura Griega Cristiana. De sava ka ñayí suni ka kachi-ji ja kuu Antiguo Testamento ji Nuevo Testamento.
Ta skuaʼa-ní tutu yaʼa, xinañuʼun ndaniʼi-ní sɨvɨ libro Biblia (A), ñukua de ɨn número ja kuu capítulo (B) ji ɨn axi kuaʼa nda número ja kuu versículo axi nda versículo (C).
Tanu kuu, Juan 17:3 kúni kaʼan “tutu Juan, capítulo 17, versículo 3”.
