¿Keniuj okachi mitsonpaleuis nejin nemachtil ika Biblia?
Achto ke peuas tionmomachtis, xikonlero tein nikan kijtoua. Ompa xikonita VIDEO.
YEKINIKA TAXELOL
Achto ke mitsonmachtiskej, xikonlero moselti yekinika taxelol tein kipia sejse tamachtilis. Netajtanilmej tein kipiaj tapoualmej (A) uan textos tein mokixtiaj itech Biblia tein tijtiltik (B) kinextiaj tanemililmej tein tayekantokej. Seki textos kijtoua “Xikonita”.
OJPATIKA TAXELOL
Yekinika párrafo tein kipia taxelol “Maj okachi timomachtikan” kimelaua tein tikitaskej itech nejon tamachtilis (C). Itech subtítulos tein nesij ika tapoualmej kinextia tanemililmej tein tayekantokej (D). Iuan akin mitsonmachtia xikonita textos itech Biblia, xikonnankili netajtanilmej uan xikonita videos.
VIDEOS. Itech nejin recuadros tikonajsis videos tein no ika tajtouaj tamachtilis. Seki videos kinextiaj tein yekmelauj panok. Okseki sayoj nesi seki taman tein amo mochiuak nion kinpanok akin ompa nesij, ta kinextia tein uelis kipanos aksa.
Xikonita taixkopimej uan xikonlero tein ompa kijtoua (E), uan xikonnemili keniuj tiontanankiliskia kampa kijtoua “Tein sekin kijtouaj” (F).
EXPATIKA TAXELOL
Keman tami sejse tamachtilis kijtoua “Tein tikitakej” uan “Maj tikelnamikikan” (G). Xikonijkuilo kemanian tionmatamik sejse tamachtilis. Itech recuadro “Xikonixtali tikonchiuas nejin” tikonitas tein uelis tikonchiujtias (H). Kampa kijtoua “No xikonita nejin” tikonajsis okseki tamachtilismej uan videos tein no uelis tikonitas (I).
Keniuj tikonajsis se texto itech Biblia
Biblia kipia 66 amatajkuilolmej uan ojkan xeliujtok: Escrituras Hebreoarameas uan Escrituras Griegas Cristianas. Sekin no kiixmatij kemej Antiguo Testamento uan Nuevo Testamento.
Itech sejse texto, yekinika nesi itokay amatajkuilol (A), ompa se tapoual tein kinextia capítulo (B) uan ompa se oso miak tapoualmej tein kinextiaj versículo oso versículos (C).
Kemej Juan 17:3 kijtosneki “amatajkuilol Juan, capítulo 17, versículo 3”.
Xa no tikonuelitas
NETAJTANILMEJ TEIN MOCHIUAJ
¿Keniuj itaixpantijkauan Jiova kimachtiaj aksa ika Biblia?
Keman se itaixpantijkauj Jiova mitsonmachtis, tejuatsin uelis tikonkuis tein yeski Biblia. No uelis tikonyoleuas akin nemij mokalijtik oso akin yeski.
