Zamungacite kuti mupindule na buku ino
Coyamba ŵelengani mbali ino, ndipo pavuli pake onelelani VIDYO.
MBALI YOYAMBA
Pokonzekela mutu ulionse, yambilani kuŵelenga mbali yoyamba. Makonsho ali m’vilembo vifipa (A) na malemba (B) ogogomezela mfundo zikulu-zikulu. Malemba ayakine ni olembewa kuti “ŵelengani.”
MBALI YAPAKATI
Pa mbali yakuti (C) Phunzilani Zinyinji pali ciganizo camene cufotokoza zati muphunzile. Tumitu tutontho-tutontho (D) tufotokoza mfundo zikulu-zikulu. Pamozi na wokuphunzisani Baibo, mukoŵelenga malemba, kuyankha makonsho, noonelela mavidyo.
Tumabokosi twakuti VIDYO tukupelekani ku mavidyo amene ali na mfundo zoyangizhyilika. Mavidyo ayakine oonesha zocitika zenezene. Pamene mavidyo ayakine oonesha lini zocitika zenezene olo ŵanthu ŵeneŵene, koma oonesha zinthu zingacitike.
Mukoona vithunzithunzi na tumau twake (E), ndipo mukoganizila mwamungayankhile makonsho ali pa mbali yakuti Ŵanthu Ayakine Okamba Kuti (F).
MBALI YOSILIZHYILA
Mutu ulionse usila na mbali yakuti Mfundo Zacidule na yakuti Kuwelezhya Mfundo Zikulu-zikulu (G). Lembani deti yamwasilizhya kuphunzila mutu. Mbali yakuti Zamungacite (H) yukuuzhyani zinthu zamufunikila kucita. Pa mbali yakuti Fufuzani (I) pali nkhani zoyangizhyilika zamungafune kuŵelenga olo mavidyo yamungafune kuonelela.
Zamkati
|
|
|
|
Mwamungapezele malemba m’Baibo
M’Baibo muli mabuku na makalata okwanila 66. Baibo ili na vigao viŵili: Malemba Aciheberi na Ciaramu (“Cipangano Cakale”) na Malemba Acigiriki Acikhristu (“Cipangano Calomba”).
Malemba aoneshewa m’njila iyi: zina ya buku ya m’Baibo (A), capita (B), na vesi olo mavesi (C).
Mwacisanzo, mukapeza polemba kuti Yohane 17:3, ndiye kuti ni buku ya Yohane, capita 17, vesi 3.
