Bzomwe mungacite kuti mugumane phindu pakupfunza Bibliya
Cakuyamba onani bzomwe munipfunza, ndipo mukamala onani VIDIYO.
MBALI YAKUYAMBA
Pakukonzekera pfunziro lanu, cakuyamba werengani ndime, kuphatanidzambo mibvunzo yomwe ina kore yakusiyana na kore ya ndimezo. (A) Werenganimbo bzinembo bza m’Bibliya bzomwe bzina mafala yakuti “werengani” (B). Kuthimizira bzimwebzi, werengani mavesi yentse yakugumanika mu ndimezo yomwe yadanembedwa na mafala mapswipisisa.
MBALI YAPAKATI
Pa mbali yakuti Fufudzani Bzinango pambafotokoza bzomwe mwapfunza mu pfunzirolo. (C) Tumisolo tung’ono-tung’ono (D) tukufotokoza nfundo zikulu-zikulu zomwe ziri mkati mwa ndime zomwe ziri pantsi pa kamsolo kali-kentse. Imwepo na mpfunzisi wanu, mbawerengani mavesi ya m’Bibliya, tawirani mibvunzo ndipo mbawonani mavidiyo.
Mu pfunziro liri-lentse muniwona mbali yomwe idanemba kuti VIDIYO ayai AUDIYO zomwe zingakuthandizeni kubvesesa bwino-bwino nkhani yomwe mukupfunzayo. Mavidiyo yanango yakulewa bzinthu bzomwe bzidacitikadi koma yanango njakuyezezera bzinthu bzomwe bzimbacitika.
Onani bzithunzi-thunzi na mafala yomwe yakufotokoza bzithunzi-thunzibzo (E), ndipo dziwani momwe mungatawirire munthu pa mbali yakuti Wanthu Winango Ambalewa Kuti (F).
MBALI YAKUMALIZIRA
Kuphampha kwa pfunziro liri-lentse, imwepo munigumana mbali zakuti Kodi Mwapfunza Ciyani? na Mibvunzo Yakubwerezera (G). Nembani ntsiku yomwe mwamaliza pfunziro. Pa mbali yakuti Citani Ibzi (H) muniwona bzinthu bzinango bzomwe mungacite. Ndipo pa mbali yakuti Onani Pomwe Ibzi (I) muniwona nkhani zomwe mungawerenge na mavidiyo yomwe mungawone mukafuna kudziwa bzinango pakulewa bza nkhaniyo.
Onani Nkhanizi
|
|
|
|
Kodi mungagumane tani mavesi ya m’Bibliya?
Bibliya lina mabukhu mang’ono-mang’ono yakukwana 66. Iro lidagawidwa mbali ziwiri: Bzinembo bza Cihebereu na Ciaramaiko (“Antigo Testamento”) na Bzinembo Bzacigerego Bzacikristau (“Novo Testamento”).
Mu bukhu lino cinembo cikaphatidwa mafala, cimbalatizidwa na dzina la bukhu la m’Bibliya (A), kutsogolo kwace kumbabwera kapitulo (B) na vesi ayai mavesi (C).
Mwa ciratizo, Juwau 17:3 bzikufuna kulewa kuti ni bukhu la Juwau, kapitulo 17, vesi 3.
Imwepo Mungakomedwembo na
MIBVUNZO YAKUBVUNZIDWA KAWIRI-KAWIRI
Kodi Pfunziro la Bibliya N’ciyani?
Onani mitawiro ya mibvunzo ya programa yathu ya pfunziro la Bibliya lafovolo.
