ایس کتاب نُوں استمال کرن دا طریقہ
پہلاں ایس صفحے تے دِتی گئی معلومات نُوں دھیان نال پڑھو تے فیر ویڈیو چلاؤ۔
سبق دا پہلا حصہ
سبق دی تیاری کرن لئی سب توں پہلاں اوہدا پہلا حصہ پڑھو۔ (1) موٹی لکھائی چ لکھے ہوئے سوال تے (2) ایتاں خاص گلاں تے دھیان دَواندیاں نیں۔ کجھ ایتاں نال تے لکھیا وی ہویا اے کہ ایہناں نُوں پڑھو۔
سبق دا دُوجا حصہ
(3) ”ہور سوچوچار لئی“ والے حصے توں پتہ چلے گا کہ سبق چ اَگے کیہہ کجھ دَسیا جائے گا۔ (4) ایس حصے دے خاص خاص نکتیاں نُوں موٹی لکھائی چ لکھیا گیا اے۔ بائبل کورس کران والے نال ایتاں نُوں پڑھو، سوالاں دے جواب دَوو تے ویڈیوز ویکھو۔
ویڈیو والے بکس چ اوہناں ویڈیوز دے لنک دِتے گئے نیں جنہاں دا تعلق سبق نال اے۔ کجھ ویڈیوز لوکاں دی زندگی چ ہون والے اصلی واقعیات تے بنائیاں گئیاں نیں۔ تے کجھ ویڈیوز چ ایہو جہے واقعیات وکھائے گئے نیں جیہڑے اصلی نئیں پر زندگی چ پیش ضرور آ سکدے نیں۔
(5) تصویراں تے ایہناں نال دِتیاں گئیاں عبارتاں تے غور کرو۔ (6) تے فیر سوچو کہ تُسی ”کجھ لوکاں دی رائے“ والے حصے چ دِتے گئے سوالاں دے کیہہ جواب دَوو گے۔
سبق دا تیجا حصہ
(7) ”خلاصہ“ تے ”دہرائی“ نال سبق ختم ہوندا اے۔ جیس تریخ تے سبق مکمل ہویا اے، اوہنوں ضرور لکھو۔ (8) ”ہُن ایہہ کرو“ والے حصے چ توانوں کسے نہ کسے مشورے اُتے عمل کرن لئی آکھیا جائے گا۔ (9) ”ہور جانن لئی“ والے حصے چ تواڈے لئی کجھ ہور مضمون تے ویڈیوز دِتیاں گئیاں نیں۔
کتاب دے حصے
|
|
|
|
بائبل دے حوالے کھولن دا طریقہ
بائبل چ کل 66 کتاباں نیں۔ بائبل نُوں دو حصیاں چ ونڈیا گیا اے: عبرانی صحیفے (پرانا عہدنامہ) تے یونانی صحیفے (نواں عہدنامہ)۔
بائبل دے حوالیاں چ پہلے (1) کتاب دا ناں فیر (2) باب دا نمبر تے فیر (3) ایت یاں ایتاں دے نمبر دِتے گئے نیں۔
مثال لئی یوحنا 17:3 دا مطلب اے: یوحنا دی اِنجیل، باب نمبر 17 تے ایت نمبر 3۔
ایہہ وی ویکھو
اوہ سوال جیہڑے لوک اکثر ساڈے بارے پچھدے نیں
یہوواہ دے گواہ بائبل کورس کیویں کراندے نیں؟
یہوواہ دے گواہواں نال بائبل کورس کردے ویلے تُسی جیہڑا وی بائبل ترجمہ چاہوو استمال کر سکدے او۔ نالے تُسی اپنے سارے گھر والیاں یاں اپنے دوستاں نُوں وی ایہدے چ شامل ہون لئی کہہ سکدے او۔
