Cada yachakunëkipaq kaqta, ¿imanötan alli yachakunkiman?
Kë libruwan Bibliapita yachakur qallanëkipaq këchö ninqanta leyi. Tsëpitana VIDEUTA rikë.
KËTA YARPË (1)
Llapan pärrafukunata leyi. Cada nümeru lädunchö këkaq tapukuy (A) y mas yana letrakunawan këkaq palabrakunaqa (B) imata yachakuykanqëkita mas yarpänëkipaqmi yanapashunki. Wakinchöqa Bibliachö ashirir leyinëkipaqmi “leyi” nin.
KËTA YARPË (2)
“Maslla yachakushun” neqpa jawanchö qellqarëkaqqa imata yachakunëkipaq kaqtam musyatsishunki (C). Cada nümeru lädunchö qellqarëkaq letrakunaqa imata yachakunëkipaq kaqta yarpänëkipaqmi yanapashunki (D). Yachatsishoqnikiwan yachakuyanqëki höra Bibliachö ashir llapanta leyi, tapukuykunata contestë y videukunata rikë.
VIDEUKUNA. Këchö videukunaqa maslla yachakunëkipaqmi yanapashunki. Kë videukunachö rikanqëkiqa, wakinqa rasumpam pasashqa, peru wakinqa imatapis yachakunëkipaq actuacionmi.
Dibüjukunata y fötukunata rikapë, y lädunchö qellqarëkaqta leyi (E). Tsëpitana “Wakin ima niyanqan” neqta leyi y tsënö neqkunata ima ninëkipaq kaqman pensë (F).
KËTA YARPË (3)
Yachakunqëkita yarpänëkipaqmi cada yachakunëkipaq kaqpa ushananchö “Këtam yachakurqunki” nin, y tsëpitanam “¿Yarpankiku?” nin (G). Cada yachakunëkipaq kaqta usharir imë ushanqëkita qellqë. “Kë rurëta procurë” neqqa maslla yachakur y cambiar sïguinëkipaqmi yanapashunki (H). “Masta yachakuy” neqchöqa leyir y videukunata rikar masta yachakunëkipaqmi kan (I).
Yachakunëkipaq kaqkuna
|
|
|
|
¿Imanötan Bibliachö ima ninqanta ashinkiman?
Bibliachöqa 66 librukunam kan. Hebreu y arameu idiömakunachö qellqayanqantaqa Unë kaq Testamentu nirmi reqiyan, y griëgu idiömachö qellqayanqantanam Mushoq Testamentu nir reqiyan.
Bibliachö ashinëkipaqmi këkan librupa jutin (A), capïtulun (B) y juk o mas versïculukuna (C).
Juan 17:3 neqqa “Juan libru, capïtulu 17, versïculu 3” ninanmi.
