Caytam lulanquiman allinta yaćhanayquipä cay librupi
Manalapis estudiayta allaycul, liguiy cay yaćhachicuycäta. Chaypi’a licay VIDEUCTA.
ALLAYCUYNIN
Manalapis estudial yaćhachicünïquiwan, liguicuy punta parrafucunacta. Talinquim tapucuycunacta numeruyüta (A) ñatac Bibliapa textuncunacta (B) sumä rasuncätam yaćhachin. Bibliapa waquin textuncunaćhu niśhunquim “Liguicuy”.
ĆHAWPICA CAYMI
“Masta yaćhaycuśhun” nianmi yaćhananchicpä (C). Cay numeruwanmi cayan mas puydi yaćhachicuycuna (D). Yaćhachicünïquiwan, liguicuy textuncunacta, cutichiy tapucuycunata ñatac licaycuy videucunata.
VIDEUCUNA. Cay videucunami yanapaśhunqui yaćhachicuycäta allinta entindinayquipä. Waquin videucuna hermanunchiccunap willacuśhanmi. Waquin videucunañatacmi ima sasachacuynïqui captinpis tantiapacachiśhunqui.
Yaćhay dibujucunapi (E), limalcuy “Waquincuna nipäcun” (F).
ULTIMUCA CAYMI
Camacanmi yaćhachicuynincuna “Imactam yaćhalunchic” ñatac “Yalpaśhun” (G). Camacaśhayqui muyuncäta escribicuy. “Caypä callpanchacuy” yanapaśhunqui mas allin canayquipä (H). Mas videucunata ñatac yaćhachicuycunata talinqui “Masta yaćhanayquipä” niśhanćhu (I).
Yaćhachicuycunata talinapä
|
|
|
|
Bibliapa textuncunacta talinayquipä
Bibliaćhu cayan 66 librucunam. Ishcayman laquisham cayan: Jucnin Hebreoarameas limayćhu, jucninñatacmi Griego limayćhu. Waquincuna nipäcun Unay Testamento ñatac Muśhü Testamento.
Puntacta ashiy Biblia librupa śhutinta (A), capitulun jatun numerumi (B), versiculun o versiculuncuna uchuc numerullam (C).
Juc ejemplo, Juan 17:3 ninanmi “Juan librućhu, 17 capitulućhu, 3 versiculun”.
