Pou bien profit se létud la Bib...
An premié, gard koman le bann leson lé prézanté dapré le bann lésplikasion, aprésa gard le VIDÉO.
PREMIÉ PARTI
Pou prépar in leson, lir le premié parti. Bann késtion an kouleur (A) é bann vèrsé an gra (B) i mont bann zidé inportan. Devan detroi vèrsé, néna le ti mo « lir ».
DEUZIÈM PARTI
Dan le parti Alon aprann plus, bann premié lign (C) i fémont bann zidé ki sra étudié, é chak lintèrtit (D) i ésplik in lidé inportan. Avèk out lansénian, lir bann vèrsé, réponn bann késtion é regard bann vidéo.
Bann VIDÉO i vien an plus bann zidé inportan dan le leson. Désèrtin vidéo i rakont bann vré zistoir, dot sé bann zistoir invanté ki mont sak i pouré arivé dan la vi.
Koz osi su le bann zimaj é su le bann ti not ki va ansanm le bann zimaj (E). Apré ésèy réponn bann késtion dan le parti Nadfoi domoun i di (F).
TROIZIÈM PARTI
Bann parti Sak nou la aprann é Alon révizé (G) i rézum le leson. Mark kansa ou la fini le leson. Le parti Sak mi doi fé (H) i propoz aou sak ou doi fé. Le parti Gard sa osi (I) i ankouraj aou lir oubien gard le bann sujé ke néna an plus.
Koman trouv in vèrsé dan la Bib ?
Dan la Bib, néna 66 liv. Lé divizé an 2 parti : bann Zékritur ébraik é araméin (« Lansien Téstaman ») é bann Zékritur grèk (« Le Nouvo Téstaman »).
In pasaj la Bib i komans par in liv la Bib (A), apré in chapit (B), é apré inn ou detroi vèrsé (C).
Par égzanp, Jean 17:3 i ve dir le liv Jean, chapit 17, vèrsé 3.
