Sar te dochudel so nekbuter olestar, so sikhľoha la Biblijatar
Peršo tuke predikh, so šukar tut andre kadi kňižka užarel a paľis mukh o VIDEJO.
PERŠO SERA
Pregen savoro, so hin odoj pisimen, thule otazki (A) the o teksti la Biblijatar (B) a rozmišľin, sar oda savoro zaperel andre peste. Ola teksti paš save hin „pregen“, šaj genen jekhetane pro študijum.
MAŠKARUTNO KOTOR
So hin pisimen tel o Dodžan tut buter (C) sikavel, pal soste vakeraha dureder. Cikne nadpiski (D) phenen, so odoj rozkidaha. Pregenen biblicka teksti, paľis odphen pre oda, so pes odoj phučel a dikhen o videji.
VIDEJO andro ramčeki tuke sikavela mek buter pal oda, so pes rozkidel andre lekcija. Andre varesave videji dikheha oda, so pes čačes ačhiľa. Aver videji hine ča bavimen, kaj te sikaven, so bi pes šaj ačhiľahas.
Rozmišľin pal oda, so dikhes pro obrazki a so hin ke lende pisimen (E). Phen tuke, so bi odphenehas pro Vareko šaj phenel (F).
PALUNO KOTOR
So sikhľiľam the So bi odphenehas (G) amenge phenen, pal soste sas caľi lekcija. Paľis odoj pisin, kana preiľal kadi lekcija. Andro Kam te kerel (H) chudeha varesavi buťi. Andro Dikh tuke buter (I) šaj dikhes the genes mek buter ke kadi lekcija.
Sar te arakhel o teksti andre Biblija
Andre Biblija hin 66 cikne kňižki. Hiňi rozthoďi pro duj kotora. Peršo kotor sas pisimen andre židoviko the aramejčiko čhib. Vičinen les tiš „phurikano zakonos.“ Dujto kotor sas pisimen andre greciko čhib a vičinen les tiš „nevo zakonos“.
Andre kadi kňižka pes o biblicka teksti pisinen kavka: Peršo hin kňižka la Biblijatar (A), paľis hin kapitola (B) a paľis hin veršocis (C).
Las amenge Ján 17:3, kňižka hin Ján, kapitola 17 the veršocis 3.