San kan yepi yu fu frustan den les na ini a buku disi?
Leisi a pisi disi fosi. Baka dati prei a FELEM.
A FOSI PISI
Te yu e sreka wan les, dan leisi a fosi pisi fu a les. Den aksi di skrifi nanga fatu letter (A) nanga den Bijbeltekst (B) e sori san na den moro prenspari penti. Na son Bijbeltekst yu o si a wortu „Leisi”. Disi wani taki dati yu nanga a sma di e studeri nanga yu musu leisi den Bijbeltekst disi makandra.
A DI FU TU PISI
Den sani di skrifi na ondrosei fu Sortu tra sani yu kan leri? (C) e sori san yu o leri na ini a pisi disi. Den prenspari penti skrifi nanga fatu letter (D). Leisi den Bijbeltekst, piki den aksi èn luku den felem makandra nanga a sma di e gi yu Bijbelstudie.
Te yu klik tapu den faki pe FELEM skrifi, dan yu o man luku wan felem noso yu o man arki wan audio opname. Son felem e taki fu tori di pasa trutru. Ma yu abi felem tu di no e taki fu sani di pasa trutru, ma den e sori fa sani kan waka na ini na aladei libi.
Luku den fowtow nanga den sani di skrifi na den fowtow (E). Prakseri fa yu ben o piki den aksi na a pisi Son sma e taki (F).
A LASTI PISI
Den lasti pisi fu a les na San yu leri? nanga Fa yu ben o piki den aksi disi? (G) Skrifi a dei di yu klari a les. Na a pisi Yu kan du a sani disi (H) wan sani skrifi di yu kan du ibri wiki. A pisi Tra sani di yu kan luku (I) abi tra sani di yu kan luku noso leisi.
Den tori fu a buku disi
|
|
|
|
Fa yu kan feni den Bijbeltekst?
Bijbel abi 66 buku. A prati na ini tu pisi: Den Hebrew-Arameisi Buku fu Bijbel („Owru Testamenti”) nanga den Kresten Griki Buku fu Bijbel („Nyun Testamenti”).
Te wan Bijbeltekst skrifi, yu o si a nen fu a Bijbel buku (A), a kapitel (B), nanga a vers (C).
Fu eksempre, Yohanes 17:3 e sori go na a buku Yohanes, kapitel 17, vers 3.
