Cara makaěbạ gunane bọu pěngangěndungang Alkitapẹ̌ ini
Pěmanda manga bageang su bukẹ̌ ini, bọu ene putarẹ̌ VIDEONE.
BAGEANG HUMOTONG
Su tempong měkoạ persiapan gunang pěngangěndungang, basạe bageang humotong. Kakiwal᷊o nicetak tebal (A) dingangu ayatẹ̌ (B) ene nělahẹ pokok utama. Pěmanda lai piram baụ ayatẹ̌ piạ tatiala ”basa”.
BAGEANG TAL᷊OARANE
Kalimat (C) su bageang Bangka Pakaral᷊ung nělahẹ apa sarung ěndungang tuhụe. Subjudul (D) nělahẹ pokok utamane. Dingangu guru studinu, basạe manga ayate, simbahe manga kakiwal᷊one, dingangu pẹ̌bialạe manga videone.
Kotak VIDEO sarung měngahạ si kau sarang video piạ sěmpụe dingangu apa lẹ̌ěndungangu. Piram baụ video nẹ̌běke soal u hal᷊ẹ̌ kahěngang-hěngang nariadi. Arawe video wal᷊inẹ tawe nělahẹ soal u taumata arau peristiwa kahěngang-hěngang nariadi, katewe nělahẹ situasi ěllo-ěllo.
Pěmanda lai gambarẹ̌ dingangu keterangan gambarẹ̌ (E), kụ pẹ̌tiněna kerea carane sumimbahẹ̌ kakiwal᷊o su bageang Piạ u Naul᷊ị (F).
BAGEANG PĚNGĚNGSUENGE
Bageang Ringkasan dingangu Apa seng nikaěndungangu? (G) něnutu pěngangěndungang ini. Bohẹ tanggalẹ̌ mạeng ene seng nasueng ěndunge. Su bageang Kěnang pěkoạ ini (H), i kau botonge měkoạ sěmbaụ hal᷊ẹ̌. Su bageang Pěmanda Lai (I) piạ informasi tambahan, kụ i kau botonge mẹ̌basa arau mẹ̌biala ene.
Carane makaěbạ ayatẹ̌
Su Alkitapẹ̌, piạ 66 bukẹ̌. Ene nipahiạ nakoạ darua bageang: Manga Bukẹ̌ Ibrani-Aram (”Pẹ̌dariandi Těbe”) dingangu Manga Bukẹ̌ Yunani Kristen (”Pẹ̌dariandi Wuhu”).
Su pěngangěndungang ini, su tempong piạ ayatẹ̌ nisěbạ, ene mangal᷊ene arengu bukẹ̌ (A), bọu ene pasalẹ̌ (B), dingangu ayatẹ̌ (C).
Contone, Yohanes 17:3 ene mangal᷊ene bukẹ̌ Yohanes, pasalẹ̌ 17, ayatẹ̌ 3.
