Oinsá mak Ita bele hetan benefísiu husi Bíblia nia lisaun sira-neʼe
Ulukliu haree toʼok pájina neʼe, no depois loke VÍDEO.
PARTE PRIMEIRU
Atu prepara ba lisaun ida-idak, lee uluk parte primeiru, pergunta sira (A) no eskritura sira (B) neʼebé fó sai pontu importante. Lee mós eskritura sira neʼebé iha liafuan “lee”.
PARTE KLARAN
Liafuan neʼebé iha Keʼe kleʼan (C) nia okos esplika buat neʼebé sei estuda tuirmai. Subtítulu sira (D) fó sai pontu importante. Hamutuk ho ema neʼebé hanorin Ita, lee eskritura sira, hatán pergunta sira, no haree vídeo sira.
VÍDEO iha kaixa lori ita ba informasaun estra. Vídeo balu fó sai istória neʼebé akontese duni. Seluk mak vídeo drama deʼit neʼebé hatudu kona-ba situasaun ruma.
Haree didiʼak ba dezeñu sira no esplikasaun (E), no hanoin didiʼak oinsá atu hatán ba parte Ema balu dehan (F).
PARTE IKUS
Lisaun sira remata ho Pontu importante no Rezumu (G). Hakerek data bainhira halo kompletu lisaun ida. Planu (H) mak parte kona-ba saida mak Ita bele halo atu aprende liután ka atu aplika buat neʼebé Ita foin aprende. Buka-hatene liután (I) mak kona-ba informasaun estra ba Ita atu lee ka haree se Ita hakarak.
Oinsá atu hetan eskritura sira iha Bíblia
Iha Bíblia laran iha livru hamutuk 66. Bíblia iha parte rua: Eskritura Lian Ebraiku-Aramaiku (“Testamentu Tuan”) no Eskritura Lian Gregu (“Testamentu Foun”).
Kuandu hakerek eskritura ruma, baibain hakerek uluk livru nia naran (A), tuirmai kapítulu (B), no versíkulu (C).
Porezemplu, João 17:3 refere ba livru João, kapítulu 17, versíkulu 3.
Karik Ita sei gosta
PERGUNTA SIRA NEʼEBÉ BAIBAIN EMA HUSU
Kursu Bíblia hanesan saida mak Testemuña ba Jeová oferese?
Ita bele uza tradusaun Bíblia naran deʼit atu halaʼo kursu Bíblia interativu ho Testemuña ba Jeová ho gratuitu. Bele mós konvida Ita-nia kolega no família tomak atu estuda hamutuk.
