Mbukonzya kugwasigwa akwiiya Bbayibbele
Bona zitobela, mpawo mweebele KAVIDIYO.
CHIPANZI CHAKUSAANGUNA
Kuti ulibambile chiiyo chimwi achimwi, bala palagilafu yakusaanguna. Mibuzyo iili mumabala mapati (A) amavesi (B) zitondeezya twaambo tupati. Amwi mavesi alembedwe kuti “bala.”
CHIPANZI CHACHIBILI
Munchali wakusaanguna (C) muchipanzi chitii, Yiya Zyiingi upandulula twaambo tuyanda kuyiigwa. Tutwe tuniini (D) tutondeezya twaambo tupati. Bala mavesi, usandule mibuzyo akweebela mavidiyo kulaamwi amuntu uukuyiisya Bbayibbele.
MAVIDIYO aabikkidwe ayendelana ankani iinga ilikwaambuulwa. Amwi mavidiyo ngazintu zyakachitika choonzyo. Pesi amwi teengachoonzyo pe pesi atondeezya zintu zichitika mubantu.
Langa zifanikisyo amajwi aalimunsi (E), alubo yeeya kuti kujana wasandula biyeni muchipanzi chitii, Bamwi Baamba Kuti (F).
CHIPANZI CHAMAMANINO
Chifwiinsyo aMibuzyo Yakwiindulula (G) nzyakujinsya chiiyo. Lemba buzuba mbuchamana chiiyo. Aalembedwe kuti Nzweelede Kuchita (H) akugwasya kuti ulembe zintu nzweelede kubelekela. Chipanzi chitii, Yanduulisisya (I) chilaamakani ngukonzya kubala naakuti mavidiyo ngukonzya kweebela.
Zili Mukati
|
|
|
|
Mbukonzya kujana mavesi
Bbayibbele lipangidwe aamabbuku maniini aali 66. Lili muzipanzi zibili: Magwalo aachiHebrayo achiAramaic (“Old Testament”) aMagwalo aachiGirikki (“New Testament”).
Wanoobona mavesi aabikkidwe mubbuku eeli, chakusaanguna kwaambwa zina lyabbuku (A), mpawo kwatobela chaandaano (B), mpawo kwaza vesi naakuti mavesi (C).
Muchikozyano, Johane 17:3 zyaamba kuti, bbuku lyamuBbayibbele nguJohane, chaandaano 17, vesi 3.
