Ndlela leyi u nga vuyeriwaka ha yona loko u dyondza buku leyi
Rhanga hi ku kambisisa nkatsakanyo wa buku leyi, ivi u tlanga VHIDIYO.
XIPHEMU XO SUNGULA
Leswaku u lunghiselela dyondzo, hlaya xiphemu xo sungula. Swivutiso leswi dzwihatiweke (A) ni matsalwa (B) swi kandziyisa tinhla ta nkoka. U ta kuma matsalwa man’wana lama tsariweke leswaku “hlaya.”
XIPHEMU XA LE XIKARHI
Marito yo sungula (C) ehansi ka nhlokomhaka leyi nge Anakanyisisa ma hlamusela leswi nga ta dyondziwa. Tinhlokomhaka letitsongo (D) ti kandziyisa leswi nga ta tlhuvutsiwa. Wena ni mudyondzisi wa wena, hlayani matsalwa, u hlamula swivutiso ni ku languta tivhidiyo.
TIVHIDIYO leti nga kombisiwa eka buku leyi ti ku pfuna leswaku u swi twisisa ku antswa leswi u swi dyondzaka. Tivhidiyo tin’wana ti kombisa swilo leswi nga tshama swi endleka. Kasi tin’wana ti kombisa leswi nga endlekangiki kambe ti dyondzisa swilo leswi pfunaka eka swiyimo swa xiviri.
Languta swifaniso ni marito lama swi hlamuselaka (E), u tlhela u vona leswaku u nga swi hlamula njhani leswi van’wana va swi vulaka ehansi ka nhlokomhaka leyi nge Van’wana Va Ri (F).
XIPHEMU XO HETELELA
Nkatsakanyo ni Mpfuxeto (G) swi katsakanya dyondzo. Tsala siku leri dyondzo yi hetiweke ha rona. Xiyenge lexi nge Tiyimisele Ku Endla Leswi (H) xi endleriwe ku ku pfuna leswaku u endla leswi u nga swi dyondza. Xiyenge lexi nge Kuma Leswi Engetelekeke (I) xi ni tivhidiyo ni tinhlokomhaka leti u nga hlawulaka ku ti hlalela kumbe ku tihlaya.
Leswi Nga Eka Buku Leyi
|
|
|
|
Ndlela yo kuma tindzimana ta Bibele
Bibele yi vumbiwa hi tibuku letitsongo ta 66. Yi aviwe hi swiyenge swimbirhi: Matsalwa ya Xiheveru na Xiaramu (“Testamente Ya Khale”) ni Matsalwa ya Vukreste ya Xigriki (“Testamente Leyintshwa”).
Loko ku tshahiwa tsalwa eka buku leyi, u ta ri vona hi vito ra buku ya Bibele (A), ku landzela ndzima (B), ni ndzimana kumbe tindzimana (C).
Hi xikombiso, Yohane 17:3 swi vula ku i buku ya Yohane, ndzima 17, ndzimana 3.
U Nga Ha Tsakela
SWIVUTISO LESWI TALAKA KU VUTISIWA
I Yini Dyondzo Ya Bibele Leyi Dyondzisiwaka Hi Timbhoni Ta Yehovha?
Eka dyondzo ya Bibele leyi dyondzisiwaka hi Timbhoni ta Yehovha, u nga tirhisa vuhundzuluxeri byin’wana ni byin’wana bya Bibele. Titwe u ntshunxekile ku rhamba ndyangu hinkwawo kumbe vanghana va wena leswaku mi ta dyondza swin’we.
