¿Bin-utʼil ta nopel ta lek te libro ini?
Nopa nail te bintik yichʼoj te libro ini, ta patil ilawil te VIDEO.
TA SJAJCHIBAL
Te kʼalal ya achajpan aba ta jujun lección, kʼopona te sjajchibal. Ay jojkʼoyeletik (A) sok textoetik yuʼun Biblia te bonbilik ta ijkʼ (B) te ya yakʼ ta naʼel te bin mukʼ skʼoplale. Jaʼnix jich ay textoetik te banti ya yal te yakuk akʼopone.
TA OLIL
Te banti ya yal «Jnoptikxan ta lek» ay jun párrafo te ya schol te bin ya jnoptik baele (C). Te subtituloetik te cholanbil ta número ya yakʼik ta naʼel te bin mukʼ skʼoplale (D). Kʼopona te textoetik sok te machʼa ya snojptesat ta Biblia, akʼbeya sujtib te jojkʼoyeletik sok ila te videoetik.
VIDEOETIK. Yame skoltayat yuʼun ya xkʼotxan ta awoʼtan te bin yakat ta snopele. Ay videoetik te smelelil kʼoemik ta pasel te bin ya yakʼ ta ilel. Sok ay yantik te jaʼnax ya yakʼ ta ilel te bin ya xkʼax ta jkuxlejaltike.
Ila te dibujoetik sok te bin cholbil tey-ae (E), sok nopa awaʼiy bin ya asut te banti ya yal «Ay machʼatik jich ya yalik» (F).
TA SLAJIBAL
Ta slajibal te jujun lección ya ata ini «¿Bintik la jnoptik?» sok «¿Jilbal ta awoʼtan into?» (G). Tsʼibaya te bin-ora laj awoʼtan snopel te leccione. Te banti ya yal «Pasa awil ini» yame skoltayat ta spasel te bin yakat ta snopele (H). Sok te banti ya yal «Ya xjuʼ ya anopxan ini» ya yal binxan ya xjuʼ ya akʼopon o ya awil (I).
¿Bin-utʼil ya xjuʼ ya ale te textoetike?
Te Biblia yichʼoj 66 bikʼtal libroetik te xatbil ta cheb: te Escrituras Hebreoarameas (Antiguo Testamento) sok te Escrituras Griegas Cristianas (Achʼ Testamento).
Kʼalal ya xchiknaj jun texto yuʼun Biblia, nail ya xchiknaj te sbiil te libro (A), ta patil te capítulo (B), sok te versículo o te versiculoetik (C).
Jun ejemplo: Juan 17:3. Te sbiil te libro jaʼ Juan, te capítulo jaʼ 17 sok te versículo jaʼ te 3.
Yaniwan amulan-euk sk'oponel ini
TE BINTIK YA SJOJKʼOYLANIK
¿Bin-utʼil ya yakʼik te nojptesel yuʼun Biblia te testigoetik yuʼun Jehová?
Ya xjuʼ ya atuuntes biluk Bibliail te kʼalal ya awichʼ te nojptesel te ya yakʼik te testigoetik yuʼun Jehová. Jaʼnix jich ya xjuʼ ya apas invitar te afamilia sok te awamigotak.
