Rogon ni ngari yib angin ngom e re fol Bible ney
Som’on e ngam beeg e n’en bay ko re page ney, mag yaliy e re VIDEO ney.
TABOLNGIN
Nap’an ni ngam fal’eg reb e guruy, mag beeg e gin som’on riy. Pi deer (A) nib bold nge pi thin nu Bible (B) riy e be tamilangnag e n’en nib ga’ fan. Mu tay fanam i yan riy ni bay boch e thin nu Bible ni kan tay e “mu beeg” ara “mu beegew” ngay.
LUKNGUN
Tin som’on e thin (C) ni bay u tan fare thin ni Kum Fil Boch Ban’en u Murung’agen e be weliy e n’en yira weliy murung’agen. Pi subheading (D) e be tamilangnag e n’en nib ga’ fan ni yira weliy. Mu beegew e en gimew be fil e Bible e pi thin nu Bible ni bay riy, mi gimew weliy e fulweg ko pi deer, mi gimew yaliy e pi video riy.
Pi VIDEO riy e ra tamilangnag boch ban’en ni bay rogon ko pi n’en yibe fil riy. Boch e video riy e be dag boch ban’en nriyul’ ni ke buch ma boch e kan susunnag, machane be dag yaan bogi ban’en nriyul’ ni ma buch ko girdi’.
Mu fal’eg i yaliy e n’en bay ko sasing nge thin riy (E), mag lemnag rogon ni ngam pi’ e fulweg ko n’en bay ko fare thin ni Ma Gaar Boch e Girdi’ (F).
TUNGUN
Fare thin ni N’en Kan Fil nge Ngan Sul u Daken (G) e yira weliy u tungun reb e guruy. Mu yoloy nga but’ e rofen ni ke m’ay reb e guruy. Fare thin ni N’en Ngam Nameg (H) e be weliy e n’en ngam nameg ni ngam rin’. Ma fare thin ni Mu Gay Murung’agen (I) e bay boch ban’en riy nrayog ni ngam beeg ara mu yaliy.
N’en Bay Riy
|
|
|
|
Rogon ni ngam pirieg e thin nu Bible
Nel’ i ragag nge nel’ ken e babyor ni bay u Bible. Gin som’on riy e ni yoloy ko thin ni Hebrew nge Aramaic, ma gin migid e ni yoloy ko thin ni Greek.
Ga ra guy reb e thin nu Bible ko re ke babyor ney, ma rogon ni kan tay e aram e kan tay e babyor ko Bible (A), me migid e guruy (B), me yib e verse (C) nga tomuren.
Bod ni, John 17:3 e be yip’ fan fare babyor rok John, ko guruy ni 17, ko verse 3.
