Buidi wulenda bakila ndandu mu ndongukulu ayiyi yi Kibibila
Theti tala mambu amama bosi tala VIDEO.
THUADUSULU YITHETHI
Muingi wukubika kadika dilongi, tanga binduika kubunda mvandi biuvu bioso bidi ndimba (A) tanga mvandi matangu ma Kibibila madi kikuma “tanga” (B) Mvandi didi diambu dinkinza kutanga matangu mankaka ma Kibibila mammonisa diyindu dimfunu.
THUADUSULU YIMMUADI
Vama basonika Buela Longuka wala mona mambu nkuiza longuka (C). Mua mintu mi mambu (D) minkuiza sudikisa mambu wunkuiza longuka. Na nlonguki’aku tanga matangu ma Kibibila, vana mimvutu mi biuvu ayi tala zivideo.
Ngie kubueta va ziquadro yi zivideo, wunkuiza nunga kutala video beni. Zivideo zinkaka zintubila binongu bi batu mu mambu mamonika. Zinkaka zidi bifuani bi mambu tulenda viokila mu lumbu ka lumbu.
Tubilanu matedi zifikula ayi binduika binsudikisa ziawu (E), yindula mvutu mbi wunkuiza vana mu matedi mambu Batu Bankaka Bantubanga (F).
THUADUSULU YITSUKA
Kutsuka dilongi, ngie wunkuiza mona vama vantuba Mbi ngie Belonguka ayi Vutukila Mambu ma Mfunu (G) Sonika kilumbu wumanisa dilongi. Vo vantuba Makani Mami (H), vankuiza kusadisa kubaka makani ayi kuzaba mambu wunkuiza vanga bo wummana kulonguka dilongi. Vo vantuba Tala Mambu Mankaka (I) vadi malongi mankaka wulenda tanga voti zivideo zinkaka wulenda tala muingi wubuela zaba.
Mambu madi mu khati
|
|
|
|
Buidi bu kubakudila matangu ma Kibibila
Mu Kibibila muidi 66 di mua zibuku. Ayi zidi zikabuka mu bitini biodi: Masonoko ma Kiebeleo (“Antigo Testamento”) ayi Masonoko ma Kingeleku (“Novo Testamento”).
Bo bantubila matangu ma Kibibila mu buku ayiyi, theti bantubila dizina di buku (A), bosi thalu yitheti kapu (B), ayi thalu yinlanda luidi lutangu voti matangu (C).
Dedi, Yoane 17:3 yinsundula Yoane, kapu 17, lutangu 3.
