Mambu mo wulenda vanga mu diambulu wubaka mamboti mu ndongokolo ya yi Bibila . . .
Tuamina theti bakula bue malongi beni madidi mu lusadusu lu zifoto zia zidi va wanda, ayi tala VIDEO.
TINI KITHETI
Mu diambu di wubongisa dilongi dimosi, tanga tini kitheti. Biuvu bidi mu kulere (A) ayi ziverse (B) mu thita yi ngolo zilembo monisa mayindu mangudi. Kuidi ayi ziverse zinkaka zio batubidi “tanga.”
TINI KIMMUADI
Va buangu Tuvisa mboti mboti, mintanda mitheti (C ) mimonisini mambu mo makuiza longuku, ayi kadika mua ntu dilongi (D) wutubidi diyindu dimosi dingudi. Ayi nio weta longuka yaku Bibila, tangenu ziverse, vana mimvutu mu biuvu ayi talenu zivideo.
ZIVIDEO zio batudidi zin’dukisa zingindu zio zidi mu khati dilongi. Zivideo zinkaka zintubila mambu mo masalama ayi zinkaka zintubila masolo mo bafondidi mo malembo monisa mambu mo meta salama mu diambu di longa batu.
Tadilenu diaka zifoto ayi masonoko madi mu zifoto beni. (E) Ayi meka vana mimvutu mu biuvu bidi va buangu Batu bankaka beta tuba ti (F).
TINI KINTATU
Buangu Mu Bukhufi ayi Phutukulu (G) kitubidi dilongi dioso mu bukhufi. Sonika dati yo lumanisini dilongi. Buangu Lukanu luama (H) kimonisini lukanu lo wufueti dukisa. Buangu Tala mambu mankaka (I) kikulomba wutanga voti wutala mambu mankaka madi mu minkanda minkaka voti mu zivideo zinkaka.
Phila yitombila verse mu Bibila
Mu Bibila muidi na 66 ki zibuku zifioti fioti. Zibuku beni zidi zivasu mu bitini biodi: Masonoko ma ki Ebelewo ayi ma ki Arameye (“Luwawanu Lukhulu”) ayi mu Masonoko ma Kingeleki (“Luwawanu Lumona”).
Verse yeta tonina mu dizina di nkanda wu Bibila (A), bosi mu kapu (B), ayi mu verse voti ziverse (C).
Mu kifuani, Yowani 17:3 yimmonisa nkanda wu Yowani, kapu 17, verse 3.
