Ximodo zanda guiene chaahuiluʼ ni cusiidiʼ cada lección
Ante guzulú gúʼndaluʼ libru riʼ, biindaʼ ni zeeda raríʼ. Despué biiyaʼ VIDEU riʼ.
PRIMÉ NDAA
Ante guʼndané maestru stiluʼ lii, biindaʼ guiráʼ párrafo ni zeeda lu ndaa riʼ. Zeeda ca pregunta ca pur númeru (A) ne dieʼ ca textu stiʼ Biblia zeeda luni nayaaseʼ (B) ni rusihuinni gunáʼ nga ca idea jma risaca. Nuu biaje zuuyaluʼ cá cueʼ ca textu ca «Biindaʼ».
GUIROPA NDAA
Primé párrafo stiʼ ndaa ni láʼ «Guizíʼdirunu jma» cusiene ni xi chiguiziidiluʼ lu lección ca (C). Cá ti númeru cueʼ cada idea risaca (D).
VIDEU. Lu ca recuadru riʼ zadxélaluʼ videu ni zacané lii guiene chaahuiluʼ ni cusiidiʼ lección ca. Nuu videu ca la? dxandíʼ bizaaca ni rihuinni luni. Peru nuu xcaadxi videu cayuni actuarsícabe luni, ti escenificación ni.
Biindané maestru stiluʼ ca textu zeeda luni, bicabi ca pregunta ca ne biiyaʼ cada videu. Biindaʼ ca diidxaʼ ni cusiene cada imagen ne biiyaʼ xi cusiidicani lii (E), ne guníʼ ique ximodo guicábiluʼ ndaa ni láʼ «Nuu tu ná» (F).
GUIONNA NDAA
Cada lección riluxené ndaa ni láʼ «Xi bizíʼdinu» ne «Xi biziidiluʼ» (G). Bicaa dxi biluxe bíʼndaluʼ cada lección. Zacané cuadru ni láʼ «Biʼniʼ stipa gúniluʼ ndiʼ» quixhe íqueluʼ gúniluʼ ni caziidiluʼ (H). Lu ndaa ni láʼ «Biiyaʼ xiruʼ zanda guiziidiluʼ» zadxélaluʼ xcaadxi tema ne videu ni zacané lii (I).
Ximodo guyúbiluʼ ti textu zeeda lu Biblia
Napa Biblia 66 libru. Ne raca dividir ni chupa ndaa: Escrituras Hebreoarameas ne Escrituras Griegas Cristianas. Nuu binni runibiáʼ ca ni casi Viejo Testamento ne Nuevo Testamento.
Lu ca textu zeeda raríʼ primé riete lá libru ca (A), de racá cá xi capítulo (B) ne despué xi versículo stini chiguiuunda (C).
Casi pa guzeeteni Juan 17:3, modo guyúbinu ni nga «libru stiʼ Juan, capítulo 17, versículo 3».
Laaca zándaca ziuuláʼdxiluʼ ca ndiʼ
CANI NABÉ RINABADIIDXAʼ BINNI
¿Ximodo runi estudiarné ca testigu stiʼ Jehová binni Biblia?
Zanda gacané ca testigu sti’ Jehová lii guiénelu’ Biblia jma nagueenda ne zanda iquiiñelu’ Biblia ni jma riuulá’dxilu’. Laaca zanda guni invitarlu’ familia stilu’ o tuuxa xhamígulu’.
