Gu gene rengbe mo ka gbia undo ngbaha ti agi awirikapai nga ga Baibiri re
Ni bambataha mo bingo agu apai du rogo gi buku re, na tifuoho, mo bi gu VIDIO re.
BAMBATA PAPARAHA
Tipa ka mbakadatiro tipa ai wirikapai, mo gedi bambata paparaha. Agu Asanahe du ni bibiri he (A) na averesi (B) nga gu nanyakasa pa memeapai. Mo ini gupai nga gu kura averesi kinaho i nake gupai patihe nga “oni gedihe.”
GU PAPARAHA DU BEBERE HE YO
Tonatona afugo (D) tii gu paparaha nga Mo Wiriki Kura Dungu Apai si nasakapai tipa agu apai ngbefuoho. Umba rii-apai (E) mo yugu gu memeapai du rogo yo. Na gamo bayugupai, oni gedi averesi, ki karagapai kuti asanahe, na ki bi avidio.
Agu asanduki du pati VIDIO nandu na mo ku rogo gaani bangiriba nga ga Internet yo rengbe mo ka bi agu apai ni nasongoda gupai re. Gu kura avidio na ndikidi apai rogoho nga gu namangi amanga nzunzu. Agu akuraha nga yuguyugu akpiapai nga gu ayugongo gu ndikidi apai namangi watadu ayugongo ndikidi aboro ya, ono si nayugopa gu ndikidi apai naima rengba ka manga.
Mo gbeberã ro wenengai kuti asura gbiati gu kekeapai du pati gu sura re (F), na ki berẽpa wai mo nika karagapai kuti gu paparaha nga Gu Kura Aboro Nape Gupai Nga (G).
YANGARA PAPARAHA
Ginipai Mo Nawirikihe? na Fugöpai (H) wirikapai nadigo na gu paparaha nga gupai mo nawirikihe gbiati fugöpai. Mo ke gu rame diwi gu wirikapai re nanyasi ti ni. Sásá (I) nafu gupai foro nga gu si aida mo mangihe. Tii gu paparaha nga Mo Weteke gu Kura Apai (K) mo nika gbia gu kura atingidapai yo nga gu mo naima rengba ka sia ka gedaha watadu ka bihe.
Agu Apai Du Rogoho
|
|
|
|
Wai ka gbia agu averesi nga ga Baibiri
Baibiri na rukutu akitabu rogoho 66. Si kparaka ku rogo apaparaha ue, nga (“Kuru Ndika”) na (“Vovo Ndika”).
Ho i ayugo bara veresi ni rogo gi buku re, si natona na Rimo gu buku re (A), fuoho kapita kidu (B), na veresi watadu averesi kidu (D).
Ni kpiapai, Yoane 17:3 nayugo pa gu buku nga ga Yoane, kapita 17, veresi 3.
