Tüfachi lifru mu, Biblia ñi ngülam adniequeiñmeu pingelu, matu peafuimi fillque texto ca nütram Biblia mu, tüfa quelluaimu tami chaftuafiel cüdaungechi dungu tami rupamequen. Cafei peaimi falinque ngülam Biblia mu tami yafültucuafiel caquelu che ca tami quelluafiel engün ñi cüme dullial. Quintunge ti quimeltun tami duamnieel. Caque quiñeque quimeltun meu peaimi cümeque ramtun ca fillque nütram Biblia mu (inaduamfinge ti troquiñ “ ¿Chumngechi quelluafeimeu tüfachi lifru?”). Matu peafuimi fillque texto tami adnieaeteu ca tami yafültucuaeteu. Cafei peafuimi fillque ngülam Biblia mu tami quelluafiel ca yafültucuafiel caquelu che.

Tüfachi lifru quelluaimu tami peal falinque ngülam Biblia mu. Tüfa mu huiriconcülelai com ti texto nüucülelu quiñe quimeltun mu. Fei ayülmi tami doi quimal, quintuafuimi caquelu lifru mu (Pr 2:1-6). Tami doi quimal, papeltuafuimi fillque nota de estudio cam caquelu quellu mülelu ti Hue Mapu ñi Biblia huincadungun mu. Doi cüpa quimülmi quiñe texto mu, ñi chem cüpa feipin cam chumngechi tami inayafiel tami mongen mu, quintunge ti Quellu ñi ngüneduamal pu Dunguquelu Ineingen Jehová cam ti Índice de las publicaciones Watch Tower. Inaduamfinge tati huirintucun hue tripalu, tüfa pengelaimu chumngechi taiñ adümmequefiel quiñe quimeltun famülque mu.

Ngüneduamülmi tüfachi lifru, quelluaimu tami peal ti quimün ca adümuhun mülelu Biblia mu. Adümniefilmi tüfachi lifru, doi peaimi chumngechi “Chau Ngünechen ñi dungu niei mongen ca nehuen-ngei” (Heb 4:12).