Kalate Bifuse ya Kalate Zambe bia wulu ényiñe bekristen, a ye volô wo na ô ji’a yene bifus a minkañete ya Bible mi ne volô wo na ô dañe minju’u wo tôbane mie. A ye fe volô wo na ô yene mbamba bifuse bi ne ve bôte bevo’o ngule nyul, a volô be na be nyoñe mintyi’ane mia ve Yéhôva nlem avak. Tobe’e nlô ajô wo nye’e. Nlô ajô ôse ô bili minsili mi ne volô wo, a wo wôlôkane minkañete ya Bible. (Fombô’ô nka’ale “ Aval ô ne belane kalate nyi.”) Wo ye koone bifuse bia ye volô wo nlem a lebe wo. Wo ye fe koone miñye’elane ya Kalate Zambe ô ne belane mie na ô volô bôte bevok a ve be ngule nyul.

Kalate Bifuse ya Kalate Zambe bia wulu ényiñe bekristen a ne beta ékpwelé asu minjeñan, to’o é ne été na, été wôé, wo ye ke mane koone bifuse bise ya Bible bia su’u nlô ajô éziñ. (Min 2:​1-6) Asu ya na ô tuka’a fak, bela’ane benote marginales a benote d’étude be ne Kalate Zambe, Nkôñelane ya mfefé émo. Bela’ane Guide de recherche pour les Témoins de Jéhovah nge ke Index des publications des Témoins de Jéhovah asu na ô yeme mame mefe a lat a éfus éziñ. Jeñe’e na ô yeme miñye’elane mi ndeme kui, asu na ô yeme nge ô bili mfefé ñwô’an a lat a benya mejôô ya Kalate Zambe.

Ngo’o nge kalate Bifuse ya Kalate Zambe bia wulu ényiñe bekristen a volô wo na ô bi fek, ñyeman a ñwô’ane mame bia koone wô e Kalate Zambe été. Nté wo ye belane kalate nyi nde fe wo ye yemete ndi jôé na, “mejô me Zambe me ne vevee a ngul.”—Héb 4:12.