Khrihfa Nunning caah Baibal Caang Hna timi cauk ah na tonmi zuamcawhnak hna tawnghtham awkah aan bawm khomi Baibal caang hna le Baibal kong hna kha fawi tein na kawl khawh. Cun midang tha na pek hna tik le Jehovah thang a ṭhatter dingmi biakhiahnak tuah ding in na bawmh hna tikah aa tlakmi Baibal caang hna zong na kawl khawh. Hngalh na duhmi a konglam kha thim, a konglam pakhat cio ah bawmtu a simi biahalnak hna le Baibal kong a tawinak in a langhtermi kong hna aa tel. (“ Hi Cauk Hman Ning” timi rinlikulh ah zoh.) Na herhmi he aa tlakmi hman awk a tlakmi Baibal ruahnak cheuhnak, lamhruainak le hnemhnak hna na hmuh lai. Cun midang tha pek awkah na hman khawhmi bawmtu a simi Baibal phunglam hna zong na hmuh lai.

Hi cauk ah a konglam pakhat he aa tlaimi Baibal caang dihlak cu langhter a si lo. Asinain na hlathlai khawhmi a ṭha tukmi Baibal caang hna kha langhter a si. (Ptb. 2:1-6) Tam deuh in hlathlai awkah Jehovah Tehte Hna i Baibal Hlathlainak Ca Lamhruainak timi cauk i “Baibal Caang Fianternak” timi zawn ah na kawl khawh. Mah ah mah Baibal caang he aa pehtlaihmi cauk vialte kha na hmuh lai. Hmanung bik hngalhthiamnak ning in a si nakhnga nai ah chuahmi cauk hna kha hlathlai.

Khrihfa Nunning caah Baibal Caang Hna timi cauk nih Baibal ah aa telmi fimnak, hngalhnak le hngalhthiamnak ngeih awkah in bawm ko seh. Mah cauk na hman tikah “Pathian bia cu a nung i a ṭhawng” ti kha na zumh chinchin lai.—Heb. 4:12.