Atuagaq Biibili inuuninni iluaqutigiuk Biibilimi allassimaffiit oqaluttuallu illit ajornar­torsiorninnut tunngasut naninis­saannut iluaqutigisinnaavat. Aamma qiimmas­saaniarlutit Jehovamullu ataqqinaataasumik aalajanger­nissaannut ikiorniarlugit iluaqutigisinnaavat. Sammerusutat toqqaruk. Sammineqartuni apeqquteqarpoq, Biibilimillu oqaluttuat naatsumik allaatigineqarput. (Ungalusaq “ Biibililersaarut una qanoq atorsinnaagit” takuuk). Taamaaliornikkut siunnersuutit tuppallersaatillu Biibilimeersut naneriaan­naassavatit. Taakku nammineq inuuninni iluaqutigisin­naavatit, aammali qiimmas­saaniarninni siunnersuiniar­ninnilu atorluarsin­naavatit.

Allassimaffiit sammerusutannut tunngasut pingaarnerit uani sammineqarput. Allassimaffiit amerlanerusut naniumallugit ujarliutit allat atorsin­naavatit. (Us 2:1-6) Assersuutigalugu Ny Verden-Oversættelsen af Bibelen qupperukku quppernerup sinaani allassimaffiit allat innersuus­sutigineqartut studienotil­luunniit nanisin­naavatit. Allassimaffik aalajangersimasoq misissorusukkukku Jehovap Nalunaajaasuisa ujarliutaat qupperuk. Tassani Biibililersaarutigut arlallit issuarneqarput. Qulakkeeruk atuakkatit paasinnit­taatsitsinnut nutaanerpaamut naapertuunnersut.

Neriuppugut Biibili inuuninni iluaqutigiuk atorlugu Biibilimi allassimasut paasilluar­nerisigut ilisimas­suseqalis­sasutit. Biibililersaarut una atortillugu nammineq misigissavat ‘Guutip oqaasia uumallunilu pissaaneqartoq’. – He 4:12.