Mukanda Mbimbi ya Nzambi Yajiya Gugukuatesa uza gugukuatesa ha guheta muphushi ba verse a Biblia anyi ajiya gugukuatesa ha gulua nu malamba udi mutagana nawo. Uza gugukuatesa nji ha guheta ba verse a Biblia anyi ajiya guhana athu ako gikhesa nu ajiya guakuatesa ha guzula badesizio anyi ajiya gutumbuisa Yehowa. Tomba longo didi gugusuanguluisa; longo diagasue didi nu mihu nu ifezegeselo ya Biblia inyi yajiya gugukuatesa. (Tala galuanda “ Luholo lua Gukalegela Mukanda Owu.”) Uza muheta verse jia Biblia jinyi jiajiya guguhana malongo, nu ngolo nu utuameji udi mukatuga mu Mbimbi ya Nzambi. Uza muheta nji malongo abonga a Biblia anyi wajiya gukalegela ha gukuatesa athu ako nu guahana gikhesa.

Longo diagasue didi nu ba verse ako avula atangewego mu mukanda owu. Uvi mukanda owu walondewa ha gugukuatesa ha guheta ba verse udi mukamba, gungima wajiya gutshita ba recherche mu mikanda iko ha gujiya ndaga jiko jiavula. (Ish 2:1-6) Ha gujiya ndaga jiavula, kalegela ba références marginales nu ba notes d’étude adi mu La Bible. Traduction du monde nouveau ya Français. Kalegela nji Guide de recherche pour les Témoins de Jéhovah nga ndo Index des publications des Témoins de Jéhovah ha gulonguga ndaga jiavula jiatadila ukoteleshi wa ba verse a Biblia nu luholo lua gukalegela ba verse ene. Ikadigilo yene mbayigukuatesa ha gujiya ndaga tuazolele gale jiatadila ba verse udi mukamba; ba référence ene mbaagukuatesa ha gujiya ukoteleshi wa ba verse udi nawo funu.

Mukanda Mbimbi ya Nzambi Yajiya Gugukuatesa wajiya gugukuatesa ha guheta ndunge, ujiyi nu ha gukotelesa ndaga jidi mu Biblia. Luholo udi mukalegela mukanda owu, mbawukotelesa diago egi: “Mbimbi ya Nzambi idi nu monyo nu ngolo.”​—Heb 4:12.