Bbuku litegwa Magwalo Aagwasya MaKkristu Mubuumi lilakonzya kukugwasya kuti kukuubile kujana mavesi aamuBbayibbili azikozyano zyamuBbayibbili zikonzya kukugwasya kuti ulisimye kubuyumu-yumu mbuswaana. Alubo lilakonzya kukugwasya kuti ujane magwalo aamuBbayibbili aakonzya kukugwasya kuti usungwaazya bamwi akuti basale munzila iibotezya Jehova. Sala mutwe nguyanda, mutwe umwi awumwi ulaamubuzyo uukugwasya kuswaanizya azikozyano zili muBbayibbili. (Langa kabbokesi kati “ Mbukonzya Kubelesya Bbuku Eeli.”) Uyoojana Magwalo aakonzya kukugwasya, kukululamika akukuumbulizya. Alubo uyoojana malayilile aamuBbayibbili ngukonzya kwaabilana aabamwi kuchitila kuti ubagwasye kuti balisimye kumapenzi ngibaswaana akubasungwaazya.

Teemagwalo woonse pe aalembedwe aayendelana aachiiyo chimwi achimwi chili mubbuku eeli. Pesi bbuku eeli masaangunino biyo, kuti kuyanda kujana makani miingi ulakonzya kubelesya zimwi zibelesyo. (Tu 2:​1-6) Kuti ujane zyiingi, belesya mulongo wamagwalo amakani aakwiiya kuzwa muBbaibbele lya Busanduluzi Bwanyika Mpya. Kuti ukonzye kumvwisisisya nzilwaamba lugwalo ambukonzya kulubelesya mubuumi bwako, belesya Bbuku Ligwasya Kuvwuntauzya lya Bakamboni ba Jehova a-Watch Tower Publications Index. Zibelesyo eezi zilakugwasya kuti uyendelanaamwi akubambululwa kupya kwakachitwa.

Bbuku eeli alikugwasye kuti ujane busongo, luzibo akuti umvwisisisye Magwalo Aasalala. Alubo chiindi nwaanobelesya bbuku eeli, uyooba aachoonzyo chakuti “jwi lyaLeza lili aabuumi alubo lili aamanguzu.”—Heb 4:12.