Buku jakuti Malemba Gakamuchisya Paumi wa Chiklistu chijakamuchisye kuti yiŵeje yangasawusya kupata malemba m’Baibulo soni ngani syampaka syakamuchisye kumanyilila yampaka atende ni yakusawusya yakusimana nayo. Konjechesya pelepa chijakamuchisyesoni kupata ngani syakuŵajilwa m’Baibulo syampaka akamulichisye masengo pakwalimbikasya soni kwakamuchisya ŵane kusagula yindu yakuŵajilwa yakumchimbichisya Yehofa. Asagule mtwe uliwose wawukwasangalasya. Mtwe uliwose wana yiwusyo yakamuchisya soni mfundo syakulondesya mwakata ngani sya m’Baibulo. (Alole libokosi lyakuti “ Yampaka Atende Pakamulichisya Masengo Bukuji.”) Bukuji chijakamuchisyeje kupata malemba gachigalongoleleje soni kwalimbikasya. Kupwatika pelepa chapatejesoni mfundo sya m’Malemba syampaka akamulichisye masengo pakwakamuchisya soni kwalimbikasya ŵane.

Ngaŵa kuti m’bukuji mukusimanikwa ndandanda ja malemba gosope pangani jilijose. Nambo jigambile kuŵa pakutandila pambone pakulijiganya ngani sya m’Baibulo. Mwamti naga akusaka yakonjechesya mpaka awungunye kutyochela m’mabuku gane. (Mis 2:​1-6) Kuti alijiganye yejinji yakwamba lilemba linelyakwe, alole Kabuku Kakamuchisya Kuwungunya Ngani ka Mboni sya Yehofa pa kamtwe kakuti “Malemba Gaŵagatagulile.” Awungunyeje ngani syasigambile kukopoka kwene kuti amanyilileje kapikaniche kasambano ka yisyesyene ya m’Baibulo.

Bukuji chijakamuchisye wawojo kumanyilila, kupikanichisya, soni kupata lunda lwakutyochela m’Baibulo. Pakukamulichisya masengo bukuji, chiyakamuchisye kusimichisya kuti “maloŵe ga Mlungu gali gaumi soni gamachili.”—Ahe 4:12.