Mangand
Mambe mangand bikristen bi nla tégbaha
Imbe mpom ngand bikristen bi nlama tégbaha?
Litén li Djob li ngwés li nkodba ntôñ inyu bégés nye
Ndiimba 31:12; L.Héb. 10:24, 25
-
Bigda mini miñañ mi Bibel:
-
2 Miñ. 30:1, 6, 13, 14, 18-27—Kiñe Hézékia a bi yoñ bitelbene le ngand Pasa i tagbe i nya i yé tôbôtôbô
-
Mangand bikirsten bi nlama keñgle
Inyuki i yé béba i yoñ ngaba i mangand ma gwé maada ni kwéha base?
1 Kor. 10:21; 2 Kor. 6:14-18; Éfé. 5:10, 11
Béñge yak “Pôdna i bibase”
-
Bigda mini miñañ mi Bibel:
-
Man. 32:1-10—Bon ba Israel ba bi unbaha Yéhôva i ngéda ba bi yéñ pôdna bibégés bipubi ni kwéha base
-
Ñañ.b. 25:1-9—Yéhôva a bi kogse litén jé mu kiki li bi yoñ ngaba i bibégés bi kwéha base ni i mam ma nyega
-
Baa ngand Kristak i yé inyu bikristen?
-
Bigda mini miñañ mi Bibel:
-
Luk. 2:1-5—Yésu a bi gwéé i ngéda ba bé boñ ñañga bôt; Lôk Rôma i bé bé le i bat bon ba Lôk Yuda, ba ba bééna lem i ndogbene bo, le ba boñ i nya jam i ngéda lisuni ni i ngéda mbéñ
-
Luk. 2:8, 12—Yésu a bi gwéé i ngéda batééda bémba ba bé sal bôlô yap i mbégdé, jon i nene le, hala a bé bé le a ba i sôñ Libuy li nyéé, sôñ ngadak lisuni
-
Baa bikristen bi nlama lôôs ngand ligwéé?
-
Bigda mini miñañ mi Bibel:
-
Bib. 40:20-22—Faraô, nu a bé bé kristen, a bi nol ngwélél wé i kel a bé lôôs ngand yé ligwéé
-
Mat. 14:6-11—Béba Kiñe Hérôdé, nu a bé kolba banigil ba Yésu, a bi nol Yôhanes Nsôble i yokela a bi lôôs ngand yé ligwéé
-
Mangand ma ma bé ma umne i ngii mbén Môsi
Matiñ ma ma bé umne i ngii mbén Môsi, ma ma bé pôdôl mangand, baa ma mbéñge yak bikristen i len ini?
Béñge yak Gal. 4:4, 5, 9-11; L.Héb. 8:7-13; 9:1-3, 9, 10, 24
Baa bikristen bi nlama tégbaha kel Sabat, hiki sonde?
Béñge yak Man. 31:16, 17
Mangand ma loñ
Baa bikristen bi nyoñ ngaba i mangand ma loñ ma ma gwé maada ni mam ma m’bô?
Baa bikristen bi nyoñ ngaba i bigda gwét bi bi tagbe ipôla biloñ?
Béñge yak “Baane—Bikristen bi nyoñ bé ngaba i mam ma nkoñ ’isi” ni “Gwét”
Baa bikristen bi nlama yoñ ngaba i mangand i het ba mbégés mintôô mi bôt, nlélém kiki di mbégés Yéhôva?
-
Bigda mini miñañ mi Bibel:
-
Minson 12:21-23—I ti Hérôdé Agripa bibégés bi bi bé lel hihéga, i bi boñ le Djob a kogse nye
-
Minson 14:11-15—Baôma Barnabas bo Paul, ba bi tjél ngim bibégés bôt ba bé yéñ ti bo, bi le Yéhôva nyetama nyen a kôli bana
-
Mas. 22:8, 9—Añgel i Yéhôva i bi tjél le ba bégés yo
-
Yak ini i nla lémél we
INYU YI BÉS
Mbigda nyemb Yésu
Hiki nwii didun di bôt di nkodba inyu bigda nyemb Yésu. Di naña we inyu lo i tehe lelaa likoda li tôbôtôbô li nla hôla we.
MAMBADGA BÔT BA MBÉNA BAT
Inyuki Mbôgi Yéhôva i nyoñ bé ngaba i ngim mangand?
Di wan mambadga makeñi ma-na ma ma ntoñol litehge li Mbôgi Yéhôva inyu jam li mangand.
INYU YI BÉS
Bat le Mbôgi Yéhôva yada i yuuga we
Bana minkwel mi Bibel ni Mbôgi Yéhôva, tole noode ntjega wés inyu yigil i Bibel.
